Raa Kadali Raa: ఈ నెల 5 నుంచి చంద్రబాబు 'రా కదలిరా' సభలు

[psycopk]

Raa Kadali Raa: ఈ నెల 5 నుంచి చంద్రబాబు 'రా కదలిరా' సభలు 

03-02-2024 Sat 21:52 | Andhra

• ఎన్నికల నేపథ్యంలో రా కదలిరా సభలు నిర్వహిస్తున్న టీడీపీ
• ఫిబ్రవరి 5, 6 తేదీల్లో రెండ్రోజుల పాటు మూడు సభలు
• హాజరు కానున్న చంద్రబాబు

 

Listen to the audio version of this article

టీడీపీ అధినేత చంద్రబాబు ఎన్నికల నేపథ్యంలో రా కదలిరా సభలకు హాజరవుతూ, మేనిఫెస్టోలోని అంశాలను మరింతగా ప్రజల్లోకి తీసుకెళ్లేందుకు శ్రమిస్తున్నారు. ఈ నెల 5 నుంచి రెండ్రోజుల పాటు జరిగే రా కదలి రా సభలకు చంద్రబాబు హాజరు కానున్నారు. ఫిబ్రవరి 5, 6 తేదీల్లో మూడు చోట్ల రా కదలిరా సభలు నిర్వహించనున్నారు. ఈ నెల 5న అనకాపల్లి జిల్లా  మాడుగుల, ఏలూరు జిల్లా చింతలపూడిలో బహిరంగ సభలు జరపనున్నారు. ఈ నెల 6న చిత్తూరు జిల్లా గంగాధర నెల్లూరులో రా కదలిరా సభ ఏర్పాటు చేశారు. ఇప్పటివరకు 17 లోక్ సభ స్థానాల పరిధిలో ఈ సభలు నిర్వహించారు.

[psycopk]

Nara Lokesh: బంగారు భవిత ఉన్న యువతిని వైసీపీ నాయకులే బలితీసుకున్నారు: లోకేశ్ 

03-02-2024 Sat 14:12 | Andhra

• బాపట్ల జిల్లాలో అగ్రికల్చర్ అసిస్టెంట్ పూజిత ఆత్మహత్య
• విశాఖ జిల్లాలో తహసీల్దార్ రమణయ్య దారుణ హత్య
• విజయనగరం జిల్లాలో పంచాయతీరాజ్ జేఈ రామకృష్ణ ఆత్మహత్య
• ఇవన్నీ వైసీపీ ప్రభుత్వ హత్యలేనంటూ నారా లోకేశ్ విమర్శలు

 

Listen to the audio version of this article

బాపట్ల జిల్లా చావలి గ్రామం రైతు భరోసా కేంద్రం (ఆర్బీకే)లో అగ్రికల్చర్ అసిస్టెంట్ గా పనిచేస్తున్న బి.పూజిత అనే యువతి ఆత్మహత్య చేసుకోవడం, విశాఖ జిల్లాలో ఓ తహసీల్దార్ దారుణ హత్యకు గురికావడం తదితర ఘటనలపై టీడీపీ జాతీయ ప్రధాన కార్యదర్శి నారా లోకేశ్ ఘాటుగా స్పందించారు. 

వైసీపీ నేతలు ఆర్బీకే నుంచి బలవంతంగా ఎరువులు ఎత్తుకెళ్లారని, బంగారు భవిత ఉన్న పూజితను వైసీపీ నాయకులే బలిగొన్నారని విమర్శించారు. విశాఖ జిల్లాలో వైసీపీ భూ దందాలకు సహకరించలేదని రమణయ్య అనే తహసీల్దార్ ను పాశవికంగా హత్య చేశారని ఆరోపించారు. 

విజయనగరం జిల్లా రాజాంలో కాంట్రాక్ట్ విధానంలో పనిచేస్తున్న పంచాయతీరాజ్ జేఈ వల్లూరు రామకృష్ణను ఏమార్చి వైసీపీ నేతలు సిమెంటు ఎత్తుకెళ్లారని, సిమెంటు లెక్కలు చెప్పాలని ఉన్నతాధికారులు ఒత్తిడి చేయగా, ఎవరికి చెప్పుకుంటావో చెప్పుకో అంటూ వైసీపీ నేతలు బెదిరించారని, దాంతో రామకృష్ణ పంచాయతీ ఆఫీసులోనే ఉరివేసుకుని ఆత్మహత్య చేసుకున్నాడని లోకేశ్ వివరించారు. 

నారా లోకేశ్ ఇవాళ అమరావతిలో మీడియాతో మాట్లాడారు. ఈ సందర్భంగా ఆయన పై సంఘటనలను ప్రస్తావించారు. ఇవన్నీ జగన్ ప్రభుత్వం చేసిన హత్యలేనని మండిపడ్డారు. వైసీపీ నేతల అక్రమాలు, వేధింపులు, ఒత్తిళ్లకు ప్రభుత్వ ఉద్యోగులు బలైపోతున్నారని, ఉద్యోగులు ప్రాణాలు కోల్పోవడం బాధాకరమని అన్నారు. 

అధికారం కోసం సొంత బాబాయ్ ని బలిచ్చిన జగన్ ముఠా తమ అక్రమాలకు సహకరించని ప్రభుత్వ ఉద్యోగులను కూడా అడ్డుతొలగించుకుంటోందని ఆరోపించారు. 

ప్రభుత్వ ఉద్యోగులు స్థైర్యం కోల్పోవద్దని, ఆత్మహత్యలకు పాల్పడవద్దని నారా లోకేశ్ పిలుపునిచ్చారు. జగన్ ఫ్యాక్షన్ పోకడలను ధైర్యంగా ఎదుర్కోవాలని, టీడీపీ అండగా ఉంటుందని అన్నారు. అందరూ కలిసి వస్తే వైసీపీ పాలనను అంతమొందించవచ్చు అని స్పష్టం చేశారు.

[psycopk]

Atchannaidu: దెందులూరు సభలో జగన్ చెప్పినవన్నీ అబద్ధాలే: అచ్చెన్నాయుడు 

03-02-2024 Sat 18:42 | Andhra

• దెందులూరు సిద్ధం సభలో సీఎం జగన్ విమర్శలు
• సీఎం వ్యాఖ్యలపై తీవ్రస్థాయిలో స్పందించిన అచ్చెన్నాయుడు
• అబద్ధాల పునాదులపై పాలన సాగిస్తున్నారని విమర్శలు
• జగన్ అర్జునుడు కాదు భస్మాసురుడు అంటూ వ్యాఖ్యలు 

 

Listen to the audio version of this article

సీఎం జగన్ దెందులూరు సిద్ధం సభలో చేసిన వ్యాఖ్యలపై ఏపీ టీడీపీ అధ్యక్షుడు అచ్చెన్నాయుడు స్పందించారు. దెందులూరు సభలో జగన్ చెప్పినవన్నీ అబద్ధాలేనని కొట్టిపారేశారు. ప్రభుత్వ వ్యతిరేక ప్రజా సునామీలో జగన్ కొట్టుకుపోవడం ఖాయమని స్పష్టం చేశారు. 

57 నెలల్లో రాష్ట్రాన్ని సర్వనాశనం చేసి మాపై నిందలు వేస్తారా? అని మండిపడ్డారు. వైసీపీ పాలనలో పన్నులు, చార్జీల పెంపుతో ప్రతి కుటుంబంపై రూ.8 లక్షల భారం పడుతోందని అచ్చెన్నాయుడు వివరించారు. మూడు రాజధానుల పేరుతో ప్రజా రాజధాని అమరావతిని చంపేశారని ధ్వజమెత్తారు. 

తల్లి, చెల్లిని తరిమేసిన జగన్ మహిళా పక్షపాతా? అని నిలదీశారు. అబద్ధాల పునాదుల మీద జగన్ పాలన సాగిస్తున్నారని విమర్శించారు. జగన్ తాను అర్జునుడ్ని అని చెప్పుకుంటున్నారని, వాస్తవానికి ఆయన భస్మాసురుడు అని ఎద్దేవా చేశారు. యుద్ధానికి ముందే జగన్ ఓటమిని ఒప్పుకున్నారని వ్యాఖ్యానించారు.

[bookmarked]

Gone antunaru anna

[Sucker]

Pasa ledhu anna. PK vachi poonakalu vavhinattu voogithe ne yemanna ledhu ante Assam la vundhi antha.