sarfaroshi2 Posted June 12, 2024 Report Posted June 12, 2024 40 minutes ago, psycopk said: 2nd day ke PK pakkana padesara…koncham gap ivvandi Anna. Quote
psycopk Posted June 12, 2024 Author Report Posted June 12, 2024 Chiranjeevi: గుండెల నిండా సంతోషం... పవన్ ప్రమాణ స్వీకారంపై చిరంజీవి స్పందన 12-06-2024 Wed 15:09 | Andhra ఏపీ మంత్రిగా ప్రమాణ స్వీకారం చేసిన పవన్ కల్యాణ్ హాజరైన చిరంజీవి, రామ్ చరణ్, ఇతర కుటుంబ సభ్యులు పవన్ ఏపీ మంత్రి కావడం పట్ల గర్వంగా ఉందన్న చిరంజీవి పవన్ విజయం 100 శాతం చారిత్రాత్మక విజయమన్న రామ్ చరణ్ తన తమ్ముడు పవన్ కల్యాణ్ ఏపీ మంత్రిగా ప్రమాణ స్వీకారం చేయడం పట్ల మెగాస్టార్ చిరంజీవి స్పందించారు. గుండెల నిండా సంతోషంగా ఉందని, ఆంధ్రప్రదేశ్ రాష్ట్రానికి మంచి భవిష్యత్ ఉందన్న భరోసా కలుగుతోందని తెలిపారు. రాష్ట్రంలో సమర్థులు, సుదీర్ఘ పాలనా అనుభవం, శక్తిసామర్థ్యాలు ఉన్న నాయకులు వచ్చారని కొనియాడారు. పాత-కొత్త కలయికలో ఈ మంత్రివర్గం చాలా చాలా బాగుందని కితాబిచ్చారు. గతంలో ఎన్నడూ లేనంత అభివృద్ధిని ఇప్పుడు చూస్తారని చిరంజీవి ధీమా వెలిబుచ్చారు. తన తమ్ముడు ఏపీ మంత్రిగా ప్రమాణస్వీకారం చేయడం పట్ల గర్వంగా అనిపిస్తోందని అన్నారు. ఎంతో కష్టపడిన తర్వాత వచ్చిన విజయం కావడంతో దీనికి ఎంతో ప్రాధాన్యత ఉందని పేర్కొన్నారు. ప్రభుత్వంలో తన పాత్రను సమర్థంగా నిర్వర్తించగలడని, రాష్ట్ర భవిష్యత్తు కోసం పూర్తి స్థాయిలో పనిచేస్తాడని తమ్ముడిపై నమ్మకం వ్యక్తం చేశారు. పవన్ కల్యాణ్ ప్రమాణ స్వీకారోత్సవానికి విచ్చేసిన గ్లోబల్ స్టార్ రామ్ చరణ్ కూడా మీడియాతో మాట్లాడతారు. ఎంతో ఆనందంగా ఉందని అన్నారు. తమకు ఇది మహోజ్వలమైన రోజు అని అభివర్ణించారు. పిఠాపురంలో తన బాబాయ్ పవన్ కల్యాణ్ సాధించింది 100 శాతం చారిత్రక విజయం అని రామ్ చరణ్ అభిప్రాయపడ్డారు. ఏపీలో కొలువుదీరిన కొత్త ప్రభుత్వానికి అంతా మంచే జరగాలని కోరుకుంటున్నానని తెలిపారు. Quote
psycopk Posted June 12, 2024 Author Report Posted June 12, 2024 Narendra Modi: ఏపీని నవశకం దిశగా నడిపించేందుకు సంపూర్ణంగా కట్టుబడి ఉన్నాం: ప్రధాని మోదీ 12-06-2024 Wed 14:08 | Andhra ఏపీ అసెంబ్లీ ఎన్నికల్లో కూటమి ఘనవిజయం నేడు గన్నవరం వద్ద ప్రమాణ స్వీకారోత్సవం హాజరైన ప్రధాని నరేంద్ర మోదీ నూతన ప్రభుత్వానికి ఆశీస్సుల అందజేత అసెంబ్లీ ఎన్నికల్లో జయభేరి మోగించిన టీడీపీ-జనసేన-బీజేపీ కూటమి నేడు లాంఛనంగా కొలువుదీరింది. ఇవాళ గన్నవరం వద్ద జరిగిన ప్రమాణ స్వీకారోత్సవంలో చంద్రబాబు ముఖ్యమంత్రిగా... పవన్ కల్యాణ్, నారా లోకేశ్ సహా 24 మంది మంత్రులుగా ప్రమాణం చేశారు. ఈ కార్యక్రమానికి ప్రధాని నరేంద్ర మోదీ ముఖ్య అతిథిగా హాజరై ఏపీ నూతన ప్రభుత్వానికి ఆశీస్సులు అందజేశారు. అనంతరం మోదీ సోషల్ మీడియాలో స్పందించారు. "ఏపీలో కొత్త ప్రభుత్వ ప్రమాణ స్వీకార వేడుకకు హాజరయ్యాను. ఏపీ ముఖ్యమంత్రిగా ప్రమాణస్వీకారం చేసిన చంద్రబాబుకు, మంత్రులుగా ప్రమాణం చేసిన ఇతరులకు శుభాకాంక్షలు తెలియజేస్తున్నాను. ఏపీకి ఉజ్వలమైన భవిష్యత్తును అందించేందుకు, మరింత అభివృద్ధి దిశగా నడిపించేందుకు, టీడీపీ-జనసేన-బీజేపీ కూటమి ప్రభుత్వం సంపూర్ణంగా కట్టుబడి ఉంది. యువత ఆశలను ఈ ప్రభుత్వం నెరవేర్చుతుంది" అని స్పష్టం చేశారు. Quote
psycopk Posted June 12, 2024 Author Report Posted June 12, 2024 Nara Chandrababu Naidu: మోదీని హగ్ చేసుకుని చంద్రబాబు భావోద్వేగం 12-06-2024 Wed 12:33 | Andhra టీడీపీ అధినేత చంద్రబాబు ఏపీ ముఖ్యమంత్రిగా ప్రమాణస్వీకారం ప్రమాణం తర్వాత చంద్రబాబుకు ప్రధాని మోదీ అభినందనలు ఈ సందర్భరంగా మోదీని హగ్ చేసుకుని చంద్రబాబు ఎమోషనల్ టీడీపీ అధినేత చంద్రబాబు ఏపీ ముఖ్యమంత్రిగా ప్రమాణస్వీకారం చేశారు. చంద్రబాబుతో గవర్నర్ అబ్దుల్ నజీర్ ప్రమాణ స్వీకారం చేయించారు. ఇక ఏపీ ముఖ్యమంత్రిగా ప్రమాణస్వీకారం చేసిన అనంతరం చంద్రబాబు చాలా ఆనందంగా కనిపించారు. ప్రమాణం తర్వాత ఆయనకు ప్రధాని నరేంద్ర మోదీ పుష్పగుచ్చం అందజేసి అభినందించారు. ఈ సందర్భంగా మోదీని హగ్ చేసుకుని చంద్రబాబు భావోద్వేగానికి గురయ్యారు. దీనికి సంబంధించిన వీడియొ వైరల్ అవుతోంది. ఇక గవర్నర్ అబ్దుల్ నజీర్ తదితరులు కూడా చంద్రబాబుకు శుభాకాంక్షలు తెలిపారు. Quote
psycopk Posted June 12, 2024 Author Report Posted June 12, 2024 Nara Lokesh: తండ్రికి పాదాభివందనం చేసి ప్రమాణస్వీకారం చేసిన నారా లోకేశ్ 12-06-2024 Wed 11:57 | Andhra మంగళగిరి ఎమ్మెల్యేగా గెలిచిన నారా లోకేశ్ ఏపీ క్యాబినెట్ మంత్రిగా నేడు ప్రమాణ స్వీకారం లోకేశ్ కు శుభాకాంక్షలు తెలిపిన మోదీ, అమిత్ షా, నడ్డా, గడ్కరీ టీడీపీ జాతీయ ప్రధాన కార్యదర్శి, మంగళగిరి ఎమ్మెల్యే నారా లోకేశ్ ఏపీ మంత్రిగా ప్రమాణస్వీకారం చేశారు. ముఖ్యమంత్రిగా చంద్రబాబు ప్రమాణ స్వీకారం అనంతరం ఏపీ నూతన మంత్రులు ప్రమాణ స్వీకారం చేశారు. నారా లోకేశ్ తండ్రి చంద్రబాబుకు పాదాభివందనం చేసి ఆశీస్సులు అందుకుని, ప్రమాణ స్వీకారం చేశారు. గవర్నర్ అబ్దుల్ నజీర్ పాదాలకు నమస్కరించి ఆయన ఆశీస్సులు కూడా అందుకున్నారు. ప్రధాని మోదీ, అమిత్ షాలకు కూడా లోకేశ్ పాదాభివందనం చేసేందుకు యత్నించగా, వారు వద్దని సున్నితంగా వారించారు. రెండో పర్యాయం మంత్రిగా బాధ్యతలు అందుకోబోతున్న లోకేశ్ కు ప్రధాని మోదీ, అమిత్ షా, గడ్కరీ, జేపీ నడ్డా శుభాకాంక్షలు తెలిపారు. Quote
psycopk Posted June 12, 2024 Author Report Posted June 12, 2024 Pawan Kalyan: పవన్ కల్యాణ్ అనే నేను.. వీడియో ఇదిగో! 12-06-2024 Wed 11:58 | Andhra ఆంధ్రప్రదేశ్ మంత్రిగా పవన్ ప్రమాణం చప్పట్లు, కేకలతోో మార్మోగిన సభా ప్రాంగణం వేదికపైనే చిరంజీవికి పవన్ పాదాభివందనం ‘‘కొణిదెల పవన్ కల్యాణ్ అనే నేను శాసనం ద్వారా నిర్మితమైన భారత రాజ్యాంగం పట్ల నిజమైన విశ్వాసం, విధేయత చూపుతానని, భారత దేశ సార్వభౌమాధికారాన్ని, సమగ్రతను కాపాడతానని, ఆంధ్రప్రదేశ్ మంత్రిగా నా కర్తవ్యాలను శ్రద్ధతో, అంత:కరణశుద్ధితో నిర్వహిస్తానని ప్రమాణం చేస్తున్నాను’’ అంటూ జనసేన అధ్యక్షుడు పవన్ కల్యాణ్ ప్రమాణం చేశారు. ఆంధ్రప్రదేశ్ గవర్నర్ అబ్దుల్ నజీర్ కేసరపల్లి సభావేదికపై పవన్ తో ప్రమాణం చేయించారు. కొణిదెల పవన్ కల్యాణ్ అనే నేను.. అంటూ పవన్ పలకగానే ఆయన అభిమానులు, జనసేన కార్యకర్తల సంతోషం మిన్నంటింది. చప్పట్లు, కేకలతో సభా ప్రాంగణం మార్మోగింది. పవన్ ప్రమాణస్వీకారం చేస్తుండగా ఆయన భార్య అన్నా లెజనోవా, సోదరుడు చిరంజీవి ముఖాల్లో సంతోషం వెల్లివిరిసింది. ప్రమాణం పూర్తయ్యాక వేదికపై ఉన్న చంద్రబాబు దగ్గరికి వెళ్లిన పవన్ కల్యాణ్ ఆయనతో కరచాలనం చేశారు. ఈ సందర్భంగా పవన్ ను చంద్రబాబు అభినందించారు. ఆపై వేదికపై ఉన్న గవర్నర్, ఇతర ప్రముఖులకు ఆంధ్రప్రదేశ్ మంత్రి పవన్ కల్యాణ్ నమస్కరించారు. అన్న చిరంజీవికి పాదాభివందనం చేసి ఆయన ఆశీర్వాదం తీసుకున్నారు. Quote
psycopk Posted June 12, 2024 Author Report Posted June 12, 2024 Balakrishna: మెగాస్టార్ చిరంజీవికి స్వాగతం పలికిన బాలయ్య 12-06-2024 Wed 11:47 | Andhra చంద్రబాబు ప్రమాణస్వీకార కార్యక్రమానికి హాజరైన మెగాస్టార్ వేదికపైకి చిరంజీవికి స్వాగతం పలికిన బాలయ్య ఏపీ డిప్యూటీ సీఎంగా పవన్ కల్యాణ్ చంద్రబాబు ప్రమాణస్వీకార కార్యక్రమం జరగనున్న కేసరపల్లి ఐటీ పార్కు వద్దకు మెగాస్టార్ చిరంజీవి విచ్చేశారు. ఆయనకు నందమూరి బాలకృష్ణ వేదికపైకి స్వాగతం పలికారు. చిరుకు బాలయ్య స్వాగతం పలికిన వీడియో సోషల్ మీడియాలో వైరల్ అవుతోంది. కాగా, జనసేన చీఫ్, ఆయన సోదరుడు పవన్ కల్యాణ్ కు ఏపీ ఉప ముఖ్యమంత్రి పదవి దక్కిన విషయం తెలిసిందే. ఇక మెగా కుటుంబ సభ్యులు ప్రత్యేక బస్సులో ఇప్పటికే వేదిక వద్దకు చేరుకుంది. పవన్ కు రాష్ట్ర ప్రభుత్వంలో రెండో అత్యున్నత పదవి లభించడంతో మెగా కుటుంబంలో ఆనందం అంబరాన్నంటుతోంది. రాంచరణ్, నాగబాబు, సురేఖ, సాయిదుర్గాతేజ్, నిహారిక, శ్రీజ, అకీరా, ఆద్య తదితరులు వేదిక వద్దకు చేరుకున్నారు. Quote
psycopk Posted June 12, 2024 Author Report Posted June 12, 2024 Chandrababu: సీఎం హోదాలో ఇవాళ సాయంత్రం తిరుమలకు చంద్రబాబు 12-06-2024 Wed 09:31 | Andhra కుటుంబంతో కలిసి వెళ్లనున్న టీడీపీ అధినేత బుధవారం రాత్రి అక్కడే బస.. గురువారం ఉదయం శ్రీవారి దర్శనం రేపు తిరిగి అమరావతి చేరుకోనున్న చంద్రబాబు టీడీపీ అధినేత నారా చంద్రబాబు నాయుడు ఇవాళ (బుధవారం) సాయంత్రం ముఖ్యమంత్రి హోదాలో తొలిసారి తిరుమల వెళ్లనున్నారు. సీఎంగా ప్రమాణస్వీకారం చేసిన అనంతరం కుటుంబ సభ్యులతో కలిసి తిరుమలకు వెళుతున్నారు. సాయంత్రం 6.45 గంటలకు విజయవాడ నుంచి బయల్దేరి 7.45 గంటలకు రేణిగుంట చేరుకోనున్నారు. అక్కడి నుంచి రోడ్డు మార్గంలో రాత్రి 8.50 గంటలకు తిరుమల చేరుకుంటారు. రాత్రి ఆయన అక్కడే బస చేస్తారు. గురువారం ఉదయం 7.30 గంటల నుంచి 8 మధ్య శ్రీవారిని కుటుంబ సభ్యులతో కలిసి చంద్రబాబు దర్శించుకోనున్నారు. దర్శనం అనంతరం బయలుదేరి అమరావతి చేరుకోనున్నారు. కాగా ఈరోజు ఉదయం 11.27 గంటకు రాష్ట్ర ముఖ్యమంత్రిగా చంద్రబాబు నాయుడు ఆంధ్రప్రదేశ్ ముఖ్యమంత్రిగా ప్రమాణస్వీకారం చేయనున్నారు. నాలుగవ సారి సీఎంగా ఆయన ప్రమాణం చేయనున్నారు. కాగా 1978లో చంద్రగిరి నియోజకవర్గం నుంచి చంద్రబాబు తొలిసారి ఎమ్మెల్యేగా గెలిచారు. 1980 నుంచి 1983 వరకు మంత్రిగా బాధ్యతలు నిర్వర్తించారు. 1995లో ఉమ్మడి ఆంధ్రప్రదేశ్ సీఎంగా తొలిసారి చంద్రబాబు బాధ్యతలు చేపట్టారు. 1999లో రెండోసారి, 2014-19 వరకు మూడోసారి ముఖ్యమంత్రిగా వ్యవహరించారు. ఇక 2004 నుంచి 2014 వరకు, 2019-2024 వరకు ఉమ్మడి ఏపీలో ప్రతిపక్ష నేతగా చంద్రబాబు వ్యవహరించారు. Quote
.thumb.jpg.ce42bb16ec102475a78c2087ce269c7d.jpg)
Recommended Posts
Join the conversation
You can post now and register later. If you have an account, sign in now to post with your account.