Prakash Goud: చంద్రబాబే నా గురువు: రాజేంద్రనగర్ బీఆర్ఎస్ ఎమ్మెల్యే ప్రకాశ్ గౌడ్

[psycopk]

Prakash Goud: చంద్రబాబే నా గురువు: రాజేంద్రనగర్ బీఆర్ఎస్ ఎమ్మెల్యే ప్రకాశ్ గౌడ్ 

12-07-2024 Fri 15:37 | Both States

 

 

• చంద్రబాబు మళ్లీ సీఎం కావడం సంతోషంగా ఉందన్న ప్రకాశ్ గౌడ్
• తెలుగు రాష్ట్రాల అభివృద్ధి కోసం చంద్రబాబు పరితపిస్తుంటారని కితాబు
• కాంగ్రెస్ పార్టీలో చేరబోతున్నానని స్పష్టీకరణ

బీఆర్ఎస్ రాజేంద్రనగర్ ఎమ్మెల్యే ప్రకాశ్ గౌడ్ కాంగ్రెస్ పార్టీలో చేరుతున్నారనే వార్తలు వస్తున్న సంగతి తెలిసిందే. ఈరోజు ఆయన తిరుమల శ్రీవేంకటేశ్వరస్వామిని దర్శించుకున్నారు. దర్శనానంతరం ఆయన మీడియాతో మాట్లాడుతూ... స్వామి దర్శనం తర్వాత కీలక నిర్ణయం తీసుకున్నానని... కాంగ్రెస్ పార్టీలో చేరబోతున్నానని స్పష్టతనిచ్చారు. తన రాజకీయ గురువు చంద్రబాబేనని.... ఆయన మరోసారి ముఖ్యమంత్రి కావడం తనకు ఎంతో సంతోషంగా ఉందని చెప్పారు. రెండు తెలుగు రాష్ట్రాలు అభివృద్ధి చెందాలని చంద్రబాబు నిరంతరం పరితపిస్తుంటారని కొనియాడారు. కాంగ్రెస్ పార్టీలో చేరి తన నియోజకవర్గ అభివృద్ధికి కృషి చేస్తానని చెప్పారు. మరోవైపు ఈ సాయంత్రం రేవంత్ రెడ్డి సమక్షంలో ప్రకాశ్ గౌడ్ కాంగ్రెస్ పార్టీలో చేరే అవకాశం ఉంది.