ఎవరికోసం ఎవరు? ఎందుకోసం ఈ మీటింగ్?

[Undilaemanchikalam]

ఎవరికోసం ఎవరు?
ఎందుకోసం ఈ మీటింగ్?

ఈ మీటింగ్ వల్ల సినిమా ఇండస్ట్రీకి ఒరిగిందేమిటి!

గత వారం రోజులుగా సంధ్య థియేటర్ సంఘటన దేశ వ్యాప్తంగా చర్చకు దారి తీసింది. దానికి కారణం ఆ సంఘటనకు అల్లు అర్జున్ ఒక్కడినే బాధ్యుడిని చేయడం. అల్లు అర్జున్ అరెస్టుతో మొదలుకొని ఆ తర్వాత ఇండస్ట్రీ ప్రముఖులు, నిర్మాతలు, దర్శకులు, హీరోలు అందరూ వెళ్లి అల్లు అర్జున్ ను కలవడం పరామర్శించడం ఆ తర్వాత ముఖ్యమంత్రి రేవంత్ రెడ్డి అసెంబ్లీలో ప్రజా సమస్యల పైన చర్చలు కాదని అల్లు అర్జున్ టార్గెట్ గా గంట సేపు ప్రసంగం చేయడం, ఆ వెంటనే అల్లు అర్జున్ దానికి కౌంటర్ గా ప్రెస్ మీట్ ఆ మరుసటి రోజు పోలీసులు మరో ప్రెస్ మీట్ ఇలా అన్ని చకచకా జరిగిపోయాయి. 

అయితే అసెంబ్లీలో సీఎం రేవంత్ రెడ్డి చేసిన వ్యాఖ్యలు ఇండస్ట్రీని ఇరకాటంలో పడేసాయి. ఇకమీదట బెనిఫిట్ షోలో టికెట్ ధరల హైక్ ఉండదని తెగేసి చెప్పడంతో నిర్మాతలు కాస్త భయపడ్డారు. అయితే దీనిని సామరస్యంగా పరిష్కరించుకోవడానికి దిల్ రాజు FDC చైర్మన్ గా బాధ్యత వహించారు. ముఖ్యమంత్రి రేవంత్ రెడ్డిని కలిసి ఇండస్ట్రీని ఆయన దగ్గరికి తీసుకెళ్లే ప్రయత్నం చేశారు. 

అయితే వెళ్లే ముందు అటు మీడియాలో కావచ్చు సోషల్ మీడియాలో కావచ్చు పబ్లిక్ లో కావచ్చు అందరూ అనుకున్నది ఇది కేవలం అల్లు అర్జున్ ఇష్యూని ఇక్కడితో ఆపేయడానికి జరుగుతున్న ప్రయత్నమని, అంతేకాకుండా గత సంవత్సర కాలంగా ఇండస్ట్రీపై కోపంగా ఉన్న రేవంత్ రెడ్డ ని కూడా కలిసి ఇండస్ట్రీకి ప్రభుత్వానికి ఉన్న గ్యాప్ క్లియర్ చేసుకోడానికని అనుకున్నారు. 

అయితే 10 గంటలకు అపాయింట్మెంట్ ఇచ్చిన సీఎం రేవంత్ రెడ్డి ఇండస్ట్రీ పెద్దలను గంటసేపు వెయిట్ చేయించారు. అంతేకాకుండా మీటింగ్ సంబంధించి మీడియాలో వచ్చిన కథనాలు, మీటింగ్ తర్వాత ఇండస్ట్రీ పెద్దలు చెప్పిన మాటలు వింటే అందరికీ నవ్వొచ్చింది. అంతేకాదు అసలు మీటింగ్ వల్ల ఇండస్ట్రీకి ఒరిగింది ఏమైనా ఉందా అని అందరిలో చర్చ మొదలైంది. 

ఎందుకంటే బెనిఫిట్ షోలు, టికెట్ ధరల హైక్ కాకుండా ఇంకేం ప్రాబ్లమ్స్ ఉంటాయి. దీని కాకుండా ముఖ్యమంత్రిని ఎందుకు కలుస్తారు. అవి ఇవ్వడానికి ఒప్పుకుంటారని, ఒప్పించాలని వెళ్లిన ఇండస్ట్రీ ప్రముఖులకు సీన్ రివర్స్ అయింది. అయితే ఈ మీటింగ్ పెద్దగా వ్యవహరించిన దిల్ రాజు ఈ విషయంలో ఫెయిల్ అయ్యారని మీటింగ్ తర్వాత ఆయన మీడియాతో చేసిన వ్యాఖ్యలే నిదర్శనం. 

బెనిఫిట్ షోలో టికెట్ ధరల హైక్ అసలు మ్యాటరే కాదు, అవి చాలా చిన్నవి అని తీసి పడేసిన మాటలు ఇతర నిర్మాతలకు ఆగ్రహాన్ని తెప్పించాయని సమాచారం. ఇండస్ట్రీని పిలిపించుకొని ప్రభుత్వానికి పనిచేయాలని కోరడం ఏంటో అని నెటిజన్లు సెటైర్లు వేస్తున్నారు.

అన్ని రంగాల్లో వారిలాగే సినిమా ఇండస్ట్రీ వాళ్ళు కూడా డబ్బులు పెడుతున్నారు డబ్బులు సంపాదించుకుంటున్నారు అని సీఎం చేసిన వ్యాఖ్యలు వారికే గుర్తులేవా? అలాంటప్పుడు అందరిలాగే వారు కూడా టాక్స్లు కడుతున్నారు కదా? ఇక బెనిఫిట్ షోలు, టికెట్ ధరల హైక్ లేనప్పుడు ఇక ఎందుకోసం హీరోలు హీరోయిన్లు, సినిమా ఇండస్ట్రీ వాళ్ళు ప్రభుత్వ కార్యక్రమాలకు సహకరించాలి? ఎందుకు ప్రమోట్ చేయాలి? 

ఈ మీటింగ్ తో ప్రజల్లో సినిమా ఇండస్ట్రీ పై మరింత చులకన  ఏర్పడేలా ప్రభుత్వ చర్యలు సహకరించాయి. గతంలో వైస్ జగన్ కరోనా తరువాత టికెట్ రేట్లు తగ్గిస్తే గగ్గోలు పెట్టిన ఇండస్ట్రీ ఇపుడు అవి మాకు పెద్ద మ్యాటరే కాదు అనడం ప్రజల్లో ఆశ్చర్యానికి గురి చేసాయి. అంతే కాకుండా డ్రగ్స్ విషయంలో ఇండస్ట్రీ పేరు మాత్రమే వాడటం అంటే అది ఇండస్ట్రీ పై బురద చల్లడం లాంటిది. ఇక అయిపోయింది అని చెప్పిన కుల గణన సర్వేకు నటులు సహకరించడం ఏంటో ప్రభుత్వానికే తెలియాలి. ఇండైరెక్టుగా ప్రభుత్వ కార్యక్రమాలకు ఫ్రీ గా, చెప్పినప్పుడు చెప్పింది భజన  చేయాలి అని సంకేతమా?

మొత్తానికి ఈరోజు ఎపిసోడ్ లో ఇండస్ట్రీకి ఒరిగిందేమీ లేదు కానీ ప్రజా సమస్యలను డైవర్ట్ చేయడానికి సీఎం రేవంత్ వేసిన వీకెండ్ డ్రామాకు మాత్రం బాగా పనికొచ్చింది.