Any warangal local people here ?

[Undilaemanchikalam]

Any localities can you verify this, may be bank details isthae atleast few in this DB can help..

కాజీపేట, న్యూస్‌టుడే: ‘ఆక్సిజన్‌ కాన్సన్‌ట్రేటర్‌ లేకపోతే మా నాన్న ఊపిరి తీసుకోలేరు. దీని వినియోగంతో ప్రతినెలా కరెంటు బిల్లు రూ.వేలల్లో వస్తోంది. అవి కట్టే స్తోమత లేక ఇప్పటికే రూ.80 వేల వరకు బిల్లులు బకాయిపడ్డాం. ఇన్నాళ్లూ గడువు ఇచ్చిన అధికారులు.. ఇక కరెంటు కనెక్షన్‌ తొలగిస్తామని చెబుతున్నారు. అదే జరిగితే మా నాన్న ప్రాణం పోతుంది. దాతలు మా నాన్నకు ఊపిరి పోసి.. ఆదుకోండి’ అని ఇద్దరు చిన్నారులు వేడుకుంటున్నారు. హనుమకొండలోని దర్గా కాజీపేటకు చెందిన తీగల సాంబమూర్తి(37) ఎలక్ట్రీషియన్‌గా పనిచేస్తూ భార్య సంధ్య, కుమార్తె రిషిక, కుమారుడు ప్రణయ్‌లను పోషించుకునేవారు. 2021లో కరోనా సోకడంతో ఆసుపత్రుల్లో చేరి ఉన్నదంతా ఖర్చుపెడితే ప్రాణాలతో బయటపడ్డారు. కానీ, వైరస్‌ ఊపిరితిత్తులపై తీవ్ర ప్రభావం చూపడంతో శ్వాస తీసుకోవడం కష్టంగా మారింది. ఇక ఆక్సిజన్‌ కాన్సన్‌ట్రేటర్‌పై జీవించాల్సిందేనని వైద్యులు చెప్పారు. దీంతో సాంబమూర్తి నాలుగేళ్లుగా మంచానికి పరిమితమై జీవనపోరాటం చేస్తున్నారు. భార్య వరంగల్‌లోని కాళోజీ నారాయణరావు హెల్త్‌ యూనివర్సిటీలో రోజువారీ కూలీగా పనిచేస్తున్నారు. కుటుంబ అవసరాలు, సాంబమూర్తి మందులకే డబ్బులు సరిపోతుండటంతో సుమారు రెండేళ్లుగా కరెంటు బిల్లు కట్టడంలేదు. విద్యుత్తు శాఖ ఉద్యోగులు మానవతా దృక్పథంతో ఇన్నాళ్లూ గడువు ఇస్తూ వచ్చారు.ఇకపై బిల్లు కట్టకపోతే కనెక్షన్‌ తొలగించాల్సి ఉంటుందని చెప్పారు. ‘బిల్లు కట్టే పరిస్థితి మాకు లేదు. కరెంటు తీసేస్తే మా నాన్న ఊపిరి ఆగిపోతుంది’ అని పిల్లలు కంటతడి పెడుతున్నారు. ప్రభుత్వం, దాతలు ఆదుకోవాలని వేడుకుంటున్నారు. సాయం చేసేవారు ఫోన్‌ నంబరు 7396174727లో సంప్రదించాలని కోరుతున్నారు.

[Undilaemanchikalam]

https://www.eenadu.net/telugu-news/telangana/warangal-person-who-is-on-oxygen-concentrator-seeks-help-for-his-medical-condition/1802/125124362