2,15,336 మంది విద్యార్థుల ఆశలకు జీవం పోసిన ఏపీ సర్కార్

[timmy]

ఆంధ్రప్రదేశ్ ప్రభుత్వం వేలాది మంది విద్యార్థుల ఆశలకు జీవం పోసింది. పరీక్ష రాసి ఫలితం వెలువడినా భవితవ్యంపై స్పష్టత రాని ఎంసెట్ విద్యార్థులకు ఏపీ సర్కారు శుభవార్త వినిపించింది. ఆంధ్రప్రదేశ్ ఉన్నత విద్యామండలి ఎంసెట్ కౌన్సిలింగ్ నోటిఫికేషన్ విడుదల చేసింది. ఆగస్టు 7 నుంచి 23వ తేదీ వరకు సర్టిఫికెట్ల వెరిఫికేషన్ చేపట్టనున్నారు. మొదటి రోజు 1 నుంచి 5 వేల ర్యాంక్‌ వరకు ధృవపత్రాల పరిశీలన ఉంటుంది. 

కాగా, ఆంధ్రప్రదేశ్ లో 34, తెలంగాణలో 23 కౌన్సిలింగ్ సెంటర్లను ఏర్పాటు చేయనున్నట్టు అధికారులు వెల్లడించారు. ఈ కౌన్సిలింగ్ కు సుమారు 2,15,336 మంది విద్యార్థులు హాజరుకానున్నారని సమాచారం. వీరంతా గత మూడు నెలలుగా కౌన్సెలింగ్ కోసం ఎదురుచూస్తున్నారు. కౌన్సిలింగ్ కు ప్రభుత్వం నోటిఫికేషన్ విడుదల చేయడంతో విద్యార్థులకు ఊరట కలిగింది.