ప్రియాంకా చోప్రాకు చెందిన భవంతిలో సెక్స్ రాకెట్

November 28, 2014

ప్రియాంకా చోప్రాకు చెందిన భవంతిలో సెక్స్ రాకెట్ 04:25 PM

ఒకప్పటి ప్రపంచ సుందరి, బాలీవుడ్ హీరోయిన్ ప్రియాంకా చోప్రాకు చెందిన ఓ భవంతిలో 'చరిష్మా స్పా' పేరిట వ్యభిచార గృహాన్ని నడుపుతున్నట్టు తెలుసుకున్న పోలీసులు గుట్టురట్టు చేశారు. ఈ భవంతిపై దాడి చేసి స్పా మేనేజర్ దినేష్ ను, ముగ్గురు యువతులను అరెస్ట్ చేశారు. స్పా యజమాని మాణిక్ సోనీ పరారీలో ఉన్నాడు. ప్రియాంకా చోప్రా నుంచి ఈ భవంతిలో కొంత భాగాన్ని అద్దెకు తీసుకొని మాణిక్ సోనీ వ్యభిచారం నిర్వహిస్తున్నట్టు పోలీసులు తెలిపారు.

సోనీని పట్టుకునేందుకు తీవ్రంగా కృషి చేస్తున్నామని, ఆ తరువాతే ప్రియాంకా, మాణిక్ సోనీల మధ్య కుదిరిన రెంటల్ అగ్రిమెంట్ వివరాలు వెల్లడవుతాయని కేసును దర్యాప్తు చేస్తున్న పోలీసు అధికారి ఒకరు తెలిపారు. ప్రియాంకా చోప్రా, ఆమె తల్లి మధు ఈ స్పాకు వస్తుండేవారని పేర్కొన్నారు. కాగా, స్పాపై పోలీసుల దాడి జరిగిన దాదాపు 3 వారాల తరువాతే భవన యజమాని ప్రియాంకా చోప్రా అన్న విషయం తెలిసింది. ఇదే స్పా పక్కనే ప్రియాంకా చోప్రా తల్లి ఓ చిన్న క్లినిక్ ను నిర్వహిస్తుండటం గమనార్హం.