‘సహారా’లో మంచు కురిసింది..

[JANASENA]

 

అల్జీర్స్‌ : సహారా ఎడారి ప్రపంచంలోనే పెద్ద ఎడారి. ఆఫ్రికా ఖండంలోని ఉత్తరభాగంలోని పలుదేశాల్లో విస్తరించివున్న ఈ ఎడారిలో పగటివేళల్లో సూర్యుడు అగ్నిగోళంగా మారుతాడు. వడగాలులు వీస్తుంటాయి. అయితే ఎడారిలో మంచు కురవడం అందర్ని ఆశ్చర్యానికి గురిచేసింది. అల్జీరియాలోని అయిన్‌ సెఫ్రా పట్టణ సమీపంలోని ఎడారిలో మంచు కురిసినట్టు వాతావరణ శాఖ ప్రకటించింది. అయితే మంచు కురవడం ఇదే తొలిసారి కాదని అక్కడి వృద్ధులు తెలిపారు. 37 సంవత్సరాలకు పూర్వం కూడా ఒకసారి మంచుకురిసిందని వారు పేర్కొన్నారు. మంచు కురవడంతో ఇసుక దిబ్బలు తెల్లగా నూతన అందాలను సంతరించుకొని సందర్శకులకు కనువిందు చేశాయి.