నవ వధువు నృత్యం.. లక్షల్లో వ్యూస్

[JANASENA]

 

దిల్లి: జీవితంలో ఒక్కసారి జరిగే వివాహ వేడుకను గుర్తుండిపోయేలా జరుపుకోవాలని ప్రతి ఒక్కరూ కోరుకుంటారు. అందుకే తమ తాహతకు తగట్లు బంధుమిత్రుల సమక్షంలో ఈ శుభకార్యానికి ఆనందంగా ఓ వేడుకలా నిర్వహిస్తారు. అయితే ఇటీవల దిల్లీలో ఓ వివాహ వేడుక జరిగింది. ఆ వేడుకలో నవ వధువు కళ్యాణ మండపానికి నృత్యం చేసుకుంటూ వచ్చింది. దానికి సంబంధించిన రెండు వీడియోలు ప్రస్తుతం సోషల్‌మీడియాలో హాట్‌ టాపిక్‌గా మారాయి. దిల్లీకి చెందిన ఓ వ్యక్తి ఈనెల 20న తన ఫేస్‌బుక్‌లో వధువు డ్యాన్స్‌ చేస్తున్న రెండు వీడియోలను పోస్ట్‌ చేశారు.

‘చాలా మంది పెళ్లి కుమార్తెలు పెద్ద ఎత్తున కళ్యాణ మండపానికి రావడాన్ని మీరు ఇంతవరకు చూసుంటారు. కానీ ఇలా రావడాన్ని ఎప్పుడూ చూసి ఉండరు’ అంటూ ఆ వ్యక్తి పోస్ట్‌ చేసిన ఈ వీడియోను దాదాపు 11 మిలియన్ల మంది చూడటం విశేషం. అంతేకాదు 1.4 లక్షల మంది షేర్‌ చేయగా, 18 వేల మంది రియాక్షన్స్‌ ఇచ్చారు. ఎరుపురంగు లెహంగా ధరించి అందంగా ముస్తాబైన వధువు కంగనా రనౌత్‌ నటించిన ‘క్వీన్‌’ చిత్రంలోని పాటకు, కత్రినా కైఫ్‌ నటించిన ‘బార్‌ బార్‌ దేఖో’ చిత్రంలోని పాటకు డ్యాన్స్‌ చేశారు. ఇప్పుడు ఆ వీడియోలు మీరూ చూడండి.

 

 

[sandeepn813]

Register for sweatcoin, earn as you walk and buy many great deals with those coins. Hurry up!