పరుపులో డాలర్ల కట్టలు

[JANASENA]

పెద్దనోట్ల రద్దు అనంతరం భారత్‌లో ఇటీవల ఐటీశాఖ జరిపిన దాడుల్లో కోట్ల రూపాయలు బయటపడ్డ సంఘటనలు చూశాం. నగదు.. బంగారం రూపంలో అక్రమార్కులు పెద్దఎత్తున దాచిపెట్టిన నల్లధనం గురించి తెలిసి అంతా ఆశ్చర్యపోయారు. తాజాగా అలాంటి ఉదంతమే అమెరికాలో వెలుగులోకి వచ్చింది. మసాచుసెట్స్‌లోని ఓ అంతర్జాతీయ మోసగాడి ఇంట్లో పరుపులో రెండు కోట్ల డాలర్లు(సుమారు రూ.136 కోట్లు) పట్టుబడడం సంచలనంగా మారింది.

బ్రెజిల్‌కు చెందిన 28 ఏళ్ల క్లెబర్‌ రెనె రిజేరియో రోచాపై మనీ లాండరింగ్‌ కార్యకలాపాలకు పాల్పడ్డట్లు ఆరోపణలు ఉన్నాయి. ‘టెలెక్స్‌ఫ్రీ ఇన్‌కార్పొరేట్‌’ అనే ఆన్‌లైన్‌ టెలికాం కంపెనీ పేరుతో అంతర్జాతీయ మోసాలకు పాల్పడ్డాడని అతడ్ని అమెరికా పోలీసులు అరెస్టు చేశారు. కేసు విచారణలో భాగంగా మసాచుసెట్స్‌లోని అతని ఇంట్లో అధికారులు సోదాలు నిర్వహించి పరుపులో దాచిపెట్టిన డాలర్ల కట్టలను చూసి అవాక్కయ్యారట. అందులో దాదాపు 2 కోట్ల డాలర్ల విలువైన నోట్లు ఉన్నట్లు పోలీసులు తెలిపారు.

వందల కోట్ల డాలర్ల మోసాలకు టెలెక్స్‌ఫ్రీ సంస్థపై 2014లోనే కేసు నమోదైంది. ఆ కంపెనీ వల్ల వివిధ దేశాలకు చెందిన 9,65,225 మంది మోసపోయినట్లు అధికారులు గుర్తించారు. అప్పట్లోనే కొందరు నిర్వాహకుల్ని అరెస్టు చేయగా.. తాజాగా రోచాను అదుపులోకి తీసుకున్నారట.

[solman]

[JANASENA]

8 minutes ago, solman said:

oka katta manakisthey bagunnu 

[solman]

7 minutes ago, JANASENA said:

oka katta manakisthey bagunnu