రూ.100 కోట్ల క్లబ్లో చిరు మూవీ!

[JANASENA]

హైదరాబాద్‌: దాదాపు 10ఏళ్ల తర్వాత మెగాస్టార్‌ చిరంజీవి కథానాయకుడిగా నటించిన చిత్రం ‘ఖైదీ నంబర్‌ 150’. సంక్రాంతి కానుకగా ప్రేక్షకుల ముందుకు వచ్చిన ఈ చిత్రం బాక్సాఫీస్‌ వద్ద మంచి విజయాన్ని అందుకుంది. జనవరి 11న విడుద‌లైన‌ ఖైదీ..’ఇప్పటివరకూ రూ.106కోట్ల కలెక్షన్లు రాబట్టినట్టు సినీ విశ్లేషకులు అంచనా వేస్తున్నారు. ఓవర్సీస్‌లో సైతం చిరంజీవి సినిమాకు మంచి స్పందన వస్తోంది. ఒక్క అమెరికాలోనే శనివారం నాటికి 1,923,764(రూ.13.11కోట్లు) డాలర్లు వసూలు చేసిందని సినీ విశ్లేషకుడు తరుణ్‌ ఆదర్శ్‌ ట్వీట్‌ చేశారు.

తమిళంలో ఘన విజయం సాధించిన ‘కత్తి’ని తెలుగులో ‘ఖైదీ నంబర్‌ 150’గా తెరకెక్కించారు. వి.వి.వినాయక్‌ దర్శకత్వం వహించిన ఈ చిత్రంలో కాజల్‌ కథానాయిక. దేవిశ్రీ ప్రసాద్‌ స్వరాలు సమకూర్చారు. కొణిదెల ప్రొడక్షన్‌ కంపెనీ బ్యానర్‌పై రామ్‌చరణ్‌ నిర్మించారు.