‘గ్రీన్ కార్డ్’ కోసం...

July 27, 2017

‘గ్రీన్‌ కార్డ్‌’ కోసం...

శతృఘ్న రాయపాటి, స్టెఫానీ జంటగా నటించిన చిత్రం ‘గ్రీన్‌ కార్డ్‌’. రమ్స్‌ దర్శకుడు. శ్రీనివాస్‌ గుప్తా, మోహన్‌, నరసింహ, నాగ శ్రీనివాస్‌ రెడ్డి నిర్మాతలు. వచ్చే నెల 4న ఈ చిత్రాన్ని విడుదల చేస్తున్నారు. ఈ సందర్భంగా బుధవారం హైదరాబాద్‌లో చిత్రబృందం విలేకరుల సమావేశం ఏర్పాటు చేసింది. ఈ సందర్భంగా నటుడు చలపతిరావు మాట్లాడుతూ ‘‘దాదాపు 90 శాతం అమెరికాలోనే చిత్రీకరణ జరుపుకొన్న చిత్రమిది. అక్కడి నటీనటులే తెరపై కనిపిస్తారు. ఇక్కడి నుంచి అమెరికా వెళ్లే వాళ్లు గ్రీన్‌ కార్డ్‌ కోసం ఎన్ని తిప్పలు పడతారో వినోదాత్మకంగా చూపించార’’న్నారు. ‘‘ఎన్‌ఆర్‌ఐలు సంతోషంగా ఉంటారని భావిస్తారు. వాళ్ల కష్టాల గురించి ఎవరూ మాట్లాడరు. కన్నీళ్లతో జీవనం సాగిస్తున్నారు. వాళ్ల బాధలకు అద్దం పట్టే కథ ఇద’’న్నారు దర్శకుడు. కార్యక్రమంలో బాబు పాల్గొన్నారు.