Mana news channels

[zombie]

  

భారత టెకీలకు గుడ్ న్యూస్: H-1B వీసాలకు అమెరికా గ్రీన్ సిగ్నల్

ఇండియన్ ఐటి నిపుణులకు భారీ ఊరట లభించింది. ఐదు నెలల కిందట నిలిపేసిన H-1B వీసా ప్రక్రియను అమెరికా ఇమ్మిగ్రేషన్ సర్వీసెస్ ను తిరిగి ప్రారంభించింది. ఐటి నిపుణులకు తాత్కాలికంగా నిలిపివేసిన వర్క్ వీసాలను అమెరికా కొన్ని పరిమితులకు లోబడి పునరుద్దరించింది. H-1B వీసా అనేది వలసరహిత వీసా. దీని సాయంతో అమెరికాలోని సంస్థలు ప్రత్యేకమైన వృత్తులలో నైపుణ్యం గలిగిన విదేశీయులును నియమించుకుంటాయి. ఏటా ఐటీ సంస్థలు వేలాది మందిని ఇలా ఉద్యోగులుగా నియమిస్తాయి. లెక్కకు మించి ధరఖాస్తులు రావడంతో ఈ ఏడాది ఏప్రిల్‌ నుంచి ఈ వీసా ప్రక్రియను అమెరికా ప్రభుత్వం తాత్కాలిక నిషేధించింది. 2018 ఆర్థిక సంవత్సరానికి సంబంధించి అమెరికా పౌరసత్వం, ఇమ్మిగ్రేషన్ సర్వీసెస్ H-1B వీసా దరఖాస్తులను సోమవారం (సెప్టెంబర్ 18) తిరిగి ప్రారంభించినట్లు తెలిపింది.

ఈ ఆర్థిక సంవత్సరానికి 65 వేల మందికి వీసాలు మంజూరు చేయాలని లక్ష్యంగా పెట్టుకున్నట్లు US సిటిజన్ షిప్ అండ్‌  ఇమిగ్రేషన్ సర్వీసెస్ తెలిపింది.  అలాగే అమెరికాలో ఉన్నత విద్యను అభ్యసించిన 20 వేల మందిని ఉద్యోగులు తీసుకునే దరఖాస్తుల ప్రక్రియను కూడా పున:ప్రారంభించామని, ఇది పూర్తవడానికి 15 రోజుల సమయం పడుతుందని తెలిపింది. ఒకవేళ 15 రోజుల్లోగా ఈ ప్రక్రియ పూర్తికాకపోతే ప్రాసెసింగ్ ఫీజును వాపసు ఇచ్చి… వారి దరఖాస్తులను స్పీడప్ చేస్తామన్నారు ఇమ్మిగ్రేషన్ సర్వీసెస్ అధికారులు. ఏప్రిల్ వరకు వచ్చిన దరఖాస్తులను మాత్రమే పరిశీలిస్తున్నామని, కొత్తవాటిని స్వీకరించబోమని స్పష్టం చేశారు.

ప్రీమియం H-1B వీసాల జారీ పునరుద్ధరణపై ట్రంప్‌ సర్కార్‌ నిర్ణయంతో….భారత ఐటీ ఉద్యోగులకు భారీ ఉపశమనం లభించింది.

asalu nililpi veysindi anta malli start cheysindi anta 

[Aakupaccha_caradu]

ok ltt..