SonyKongara Posted September 19, 2017 Author Report Posted September 19, 2017 పశ్చిమ ఆస్ట్రేలియాతో 6 ఒప్పందాలు! ఈనాడు అమరావతి: ఆంధ్రప్రదేశ్లో గనులు, రవాణా, ఆక్వా కల్చర్, విద్య, వైద్యం వంటి పలు రంగాల్లో పెట్టుబడులు పెట్టేందుకు, సాంకేతిక సహకారం, నైపుణ్యాలు అందించేందుకు పశ్చిమ ఆస్ట్రేలియా రాష్ట్రం ముందుకు వచ్చింది. ఇప్పటికే ఆంధ్రప్రదేశ్, పశ్చిమ ఆస్ట్రేలియాల మధ్య సోదర రాష్ట్ర ఒప్పందం ఉంది. దాన్ని బలోపేతం చేసే దిశగా మరో 9 అంశాల్లో సహకారానికి సంబంధించి రెండు రాష్ట్రాల ప్రతినిధుల మధ్య చర్చలు జరిగాయి. వాటిలో ఆరు అంశాల్లో ఒప్పందాలు చేసుకోవాలని నిర్ణయించారు. మరో మూడు అంశాలపై మరికొంత చర్చ తర్వాత నిర్ణయం తీసుకోనున్నారు. పశ్చిమ ఆస్ట్రేలియా డిప్యూటీ ప్రీమియర్ రోజర్ కుక్ సారథ్యంలో ఆ రాష్ట్ర ప్రతినిధి బృందం గురువారం విజయవాడలో ముఖ్యమంత్రి చంద్రబాబుతో సమావేశమైంది. అనంతరం ఆస్ట్రేలియా బృందంతో కలసి చంద్రబాబు విలేకరులతో మాట్లాడారు. ఏపీలో పెట్టుబడులకు విస్తృత అవకాశాలున్నాయని చంద్రబాబు పేర్కొన్నారు. తాను త్వరలోనే పశ్చిమ ఆస్ట్రేలియాలో పర్యటిస్తానన్నారు. రోజర్కుక్ మాట్లాడుతూ...డిజిటల్ హెల్త్, విద్య, వంటి రంగాల్లో తమ దగ్గర మంచి సాంకేతిక పరిజ్ఞానం ఉందని, దాన్ని ఆంధ్రప్రదేశ్కు అందజేస్తామని తెలిపారు. ఒప్పందాలు వీటిపైనేే... * ఆచార్య నాగార్జున విశ్వవిద్యాలయం, పశ్చిమ ఆస్ట్రేలియాలోని కర్టిన్ యూనివర్సిటీల మధ్య సహకారానికి సంబంధించి ఎంఓయూపై సంతకాలు జరిగాయి. నాగార్జున యూనివర్సిటీ విద్యార్థులు కొంతకాలం కర్టిన్ యూనివర్సిటీలో విద్యాభ్యాసం చేసే అవకాశం ఉంటుంది. * ఏపీలో ప్రపంచస్థాయి మైనింగ్ ఇనిస్టిట్యూట్ ఏర్పాటుకి కర్టిన్ యూనివర్సిటీ సంసిద్ధత. * ఖనిజ వనరుల జియోలాజికల్ మ్యాపింగ్ చేసేందుకు అవసరమైన సాంకేతిక సహకారం అందించేందుకు జియోలాజికల్ సర్వే ఆఫ్ వెస్ట్రన్ ఆస్ట్రేలియా సంస్థ అంగీకారం. * తిరుపతిలో ప్రమాదాలు ఎక్కువగా జరిగే అవకాశం ఉన్న రోడ్డు మార్గంలో కేఎస్ఐ గ్లోబల్ సంస్థ ‘రోలర్ సేఫ్టీ బ్యారియర్’ ఏర్పాటు. * ఏపీ ఆర్థిక అభివృద్ధి సంస్థ, పశ్చిమ ఆస్ట్రేలియాకు చెందిన జాబ్స్, టూరిజం, సైన్స్, ఇన్నోవేషన్ విభాగాల మధ్య వృత్తి నిపుణుల బదలాయింపు ఒప్పందం. * ఆచార్య ఎన్జీ రంగా, వెస్ట్రన్ ఆస్ట్రేలియా వర్శిటీల మధ్య మెట్ట వ్యవసాయంలో పరిశోధనకు ఒప్పందం. Quote
Recommended Posts
Join the conversation
You can post now and register later. If you have an account, sign in now to post with your account.