వెంకీతో తేజ

[JANASENA]

‘నేనే రాజు నేనే మంత్రి’తో మళ్లీ ఫామ్‌ అందుకొన్నాడు తేజ. తదుపరి ఆయన వెంకటేష్‌ కథానాయకుడిగా ఓ చిత్రాన్ని తెరకెక్కించబోతున్నట్టు సమాచారం. ‘గురు’ తర్వాత వెంకటేష్‌ మరో సినిమా చేయలేదు. ఈ విరామంలో చాలా కథలు విన్నారు. అయితే ఆ కథలేవీ ఆయనకి నచ్చలేదట. ఇటీవలే తేజ చెప్పిన కథ నచ్చడంతో వెంటనే గ్రీన్‌సిగ్నల్‌ ఇచ్చేశారని సమాచారం. వెంకటేష్‌ - తేజ కలయికలో సినిమా ఎప్పట్నుంచో ప్రచారంలో ఉంది. ‘సావిత్రి’ పేరుతో ఓ సినిమా పట్టాలెక్కినట్టే ఎక్కి ఆగిపోయింది. అయితే ఈసారి మాత్రం ఈ కలయికలో ఖచ్చితంగా సినిమా రాబోతోందని పరిశ్రమ వర్గాలు చెబుతున్నాయి. సురేష్‌ ప్రొడక్షన్స్‌ సంస్థలోనే వెంకీ - తేజ సినిమా తెరకెక్కబోతోందని సమాచారం. ‘నేనే రాజు నేనే మంత్రి’ సినిమాతో ఆ సంస్థకి మంచి లాభాలొచ్చాయి. తేజ చెప్పిన కొత్త కథ కూడా నచ్చడంతో సురేష్‌బాబు తన సంస్థలోనే సినిమా నిర్మించేందుకు ఏర్పాట్లు చేస్తున్నట్టు తెలుస్తోంది.