స్వదేశానికి స్వాగతం... ఆనంద్ మహీంద్రా

[yaman]

దిల్లీః అమెరికాలో పనిచేస్తున్న విదేశీ ఉద్యోగుల హెచ్‌1-బీ వీసా పొడిగింపు విషయంలో ట్రంప్‌ ప్రభుత్వం కఠినతర నిబంధనలు తీసుకువస్తున్న సంగతి తెలిసిందే. అమెరికన్ల ఉద్యోగాలు అమెరికన్లకే అనే నినాదంతో గతేడాది అమెరికాలో అధికారంలోకి వచ్చిన డొనాల్డ్‌ ట్రంప్‌ విదేశీ ఉద్యోగుల విషయంలో కఠిన వైఖరిని అవలంబిస్తున్నారు. హెచ్‌1-బీ వీసా సవరణల బిల్లు ఆచరణలోకి వస్తే భారతదేశానికి చెందిన సుమారు 5లక్షల మంది నిపుణులు స్వదేశానికి రావాల్సి ఉంటుంది. ఈ నేపథ్యంలో మహీంద్రా గ్రూప్‌ ఛైర్మన్‌ ఆనంద్‌ మహీంద్రా అమెరికాలో పనిచేస్తున్న  భారతీయ ఐటీ ఉద్యోగులను ఉద్దేశించి బుధవారం ట్విటర్‌లో ఆసక్తికర వ్యాఖ్యలు చేశారు. 

‘ అమెరికాలో పనిచేస్తున్న భారత్‌కు చెందిన హెచ్‌1బీ వీసాదారులు స్వదేశానికి వస్తే వారికి  స్వాగతం పలుకుతాను. భారతదేశాన్ని ఐటీ రంగంలో మరింత ముందుకు తీసుకెళ్లడానికి మీరు సరైన సమయంలో వస్తున్నారు’ అని ఆనంద్‌ మహీంద్రా ట్విటర్‌లో పేర్కొన్నారు.

 

https://twitter.com/anandmahindra?ref_src=twsrc^google|twcamp^serp|twgr^author

[Peter123]