A.I. in drug discovery

[yaman]

టూత్‌పేస్ట్‌లోని సమ్మేళనంతో మలేరియాకు అడ్డుకట్ట! 
తాజా పరిశోధనలో గుర్తించిన రోబో శాస్త్రవేత్త

లండన్‌: ఔషధాలకు లొంగని మలేరియా పరాన్నజీవులపై పోరాటంలో ఉపయోగపడగల సరికొత్త సమ్మేళనాన్ని రోబో శాస్త్రవేత్త తాజాగా గుర్తించింది. టూత్‌పేస్టుల్లో ఈ సమ్మేళనాన్ని విరివిగా ఉపయోగిస్తుండటం గమనార్హం. మలేరియా చికిత్సలో ఉపయోగించేందుకు ప్రస్తుతం ఔషధాలు చాలానే అందుబాటులో ఉన్నప్పటికీ.. పరాన్నజీవులు వాటికి క్రమంగా నిరోధకత పెంచుకుంటున్నాయి. దీంతో ఎప్పటికప్పుడు నూతన ఔషధాల సృష్టి అనివార్యమవుతోంది. తాజాగా బ్రిటన్‌లోని కేంబ్రిడ్జి విశ్వవిద్యాలయ పరిశోధకులు.. కృత్రిమ మేధస్సు(ఏఐ)తోకూడిన ‘ఈవ్‌’ అనే రోబోను ఉపయోగిస్తూ మలేరియా చికిత్సామార్గాలపై పరిశోధనలు నిర్వహించారు. టూత్‌పేస్టుల్లో సర్వసాధారణంగా ఉపయోగించే ‘ట్రైక్లోసాన్‌’ సమ్మేళనం.. డీహెచ్‌ఎఫ్‌ఆర్‌ అనే ఎంజైమ్‌ను నిరోధించడం ద్వారా మలేరియా పరాన్నజీవుల పెరుగుదలను అడ్డుకుంటున్నట్లు ‘ఈవ్‌’ గుర్తించింది. ఇప్పటికే మలేరియా చికిత్సలో ఉపయోగిస్తున్న పైరిమెథమైన్‌ వంటి ఔషధాలు డీహెచ్‌ఎఫ్‌ఆర్‌నే లక్ష్యంగా పనిచేస్తున్న సంగతిని శాస్త్రవేత్తలు గుర్తుచేశారు. ఆ ఔషధాలను తట్టుకునే సామర్థ్యాన్ని పరాన్నజీవులు పెంచుకుంటున్న నేపథ్యంలో.. తాజా ఆవిష్కరణ ప్రాధాన్యం సంతరించుకుందని వెల్లడించారు.