SilentStriker Posted February 6, 2018 Report Posted February 6, 2018 విశాఖలో నేపాలీ సంస్థ 5 నక్షత్రాల హోటల్ ముందుకొచ్చిన ఖాట్మండు వైశాలి గ్రూప్ రిసార్ట్, గోల్ఫ్ కోర్సు ఏర్పాటు చేస్తామన్న రాడిసన్ పర్యాటకశాఖకు ప్రతిపాదనలు ఈనాడు, అమరావతి: విశాఖపట్నంలో 5 నక్షత్రాల హోటల్ను ఏర్పాటు చేసేందుకు నేపాల్లోని ఖాట్మండుకు చెందిన వైశాలి హోటల్ గ్రూప్ ముందుకొచ్చింది. బుద్ధిజం థీమ్తో ప్రత్యేక ఆడిటోరియం, వెల్నెస్ సెంటర్, స్పా వంటి సౌకర్యాలతో ఈ హోటల్ ఏర్పాటు చేస్తామని రాష్ట్ర పర్యాటకశాఖకు ఆ సంస్థ ప్రతిపాదనలు సమర్పించింది. పర్యాటకశాఖ కార్యదర్శి ముకేష్ కుమార్ మీనా, ప్రత్యేక కమిషనరు హిమాన్షు శుక్లాలతో కలిసి పర్యాటక పెట్టుబడులపై గురువారం వెలగపూడిలో సచివాలయంలో మంత్రి భూమా అఖిలప్రియ సమీక్ష జరిపారు. వైశాలి హోటల్ ప్రతిపాదనను పరిశీలించారు. సుమారు రూ.100 కోట్ల పెట్టుబడితో హోటల్ ఏర్పాటు చేయనుందని, ప్రత్యేక ప్రోత్సాహకాలనూ ఆ సంస్థ కోరలేదని అధికారులు తెలిపారు. విశాఖలోనే రిసార్ట్, గోల్ప్ కోర్సు ఏర్పాటు చేసేందుకు రాడిసన్ సంస్థ ముందుకొచ్చింది. ఈ ప్రతిపాదనలను ముఖ్యమంత్రి నేతృత్వంలో జరగనున్న పర్యాటక ప్రాధికార సంస్థ బోర్డు సమావేశంలో ఖరారు చేయాలని నిర్ణయించారు. మరోవైపు మార్చి 31లోగా మరో 12 పర్యాటక ఉత్సవాలను రాష్ట్రవ్యాప్తంగా నిర్వహించేందుకు తేదీలను ఖరారు చేశారు. రాష్ట్రవ్యాప్తంగా బీచ్లలో పర్యాటక, మౌలిక వసతుల అభివృద్ధి పనులను మార్చి ఆఖరు నాటికి పూర్తి చేయాలని పర్యాటక శాఖ కార్యదర్శి మీనా అధికారులను ఆదేశించారు. 40 ప్రాంతాలను గుర్తించామని అందులో 17 ప్రాంతాల్లో పనులు జరుగుతున్నాయని హిమాన్షు శుక్లా నివేదించారు. తోటపల్లి రిజర్వాయరులో రూ.కోటితో జలక్రీడలను ఏర్పాటు చేస్తున్నట్లు తెలిపారు. Quote
Recommended Posts
Join the conversation
You can post now and register later. If you have an account, sign in now to post with your account.