TDP - PPT - WE are with you AP

April 4, 2018

ఆంధ్రప్రదేశ్‌కు కేంద్ర ప్రభుత్వం చేస్తున్న అన్యాయాన్ని దిల్లీ వేదికగా ముఖ్యమంత్రి చంద్రబాబునాయుడు ఎండగట్టారు. స్వయంగా పార్లమెంటు సెంట్రల్‌ హాల్‌కు వెళ్లి వివిధ పార్టీల నేతలకు... రాష్ట్ర ప్రయోజనాలకు వ్యతిరేకంగా మోదీ ప్రభుత్వం అనుసరిస్తున్న ధోరణిని వివరించారు. అదిగో చేస్తాం... ఇదిగో ఇస్తామంటూ కాలయాపన చేస్తూ వచ్చిన కేంద్ర ప్రభుత్వ మోసపూరిత వైఖరివల్ల ఆంధ్రప్రదేశ్‌కు అన్ని విధాలా అన్యాయం జరిగిందని, దీన్ని సరిదిద్దేలా కేంద్రంపై ఒత్తిడి తేవడానికి సహకరించాలని విజ్ఞప్తి చేశారు.

ఆంధ్రప్రదేశ్‌ విభజన బిల్లు సమయంలో మీరంతా సాక్షులుగా ఉన్నారని, ఆనాడు ఇచ్చిన హామీలను ఇప్పటికీ అమలుచేయకపోవడం అన్యాయమని ఎన్సీపీ అధ్యక్షుడు శరద్‌పవార్‌ , జమ్ముకశ్మీర్‌ మాజీ సీఎం ఫరూక్‌ అబ్దుల్లా (ఎన్‌సీ)లకు చెప్పారు. ఆంధ్రప్రదేశ్‌కు చట్టబద్ధంగా రావాల్సిన హక్కుల గురించి వివరిస్తూ ముద్రించిన 72 పేజీల పుస్తకాన్ని నేతలకు అందజేశారు. ఏపీ పోరాటానికి రాజకీయ ప్రముఖులంతా సంఘీభావం తెలిపారు. మీ వెంటే మేము అంటూ చంద్రబాబుకు భరోసా ఇచ్చారు.

#CBNinDelhi
#APDemandsSpecialStatus
#APDemandsJustice
#TDPPullsOut
#ModiBetrayedAP
#APWearsBlackBadge