Job Mela in AP 15th- 29th

May 14, 2018

Image may contain: 3 people, people smiling

పదిహేను రోజుల్లో 10,000 ఉద్యోగాలను అందించి రికార్డు సృష్టించేందుకు ఆంధ్రప్రదేశ్ ఇన్ఫర్మేషన్ టెక్నాలజీ అకాడెమీ (APITA) రంగం సిద్ధం చేసింది. వివిధ రంగాల పరిశ్రమల్లో రాష్ట్రవ్యాప్తంగా 13 జిల్లాల్లో మెగా జాబ్ మేళాలను LEAP పేరిట నిర్వహిస్తోంది. ప్రతి జిల్లాలో రెండేసి రోజులు నిర్వహించే ఈ జాబ్ మేళాలు మే 15న నెల్లూరు, గుంటూరు జిల్లాలో మొదలై మే 29న తూర్పు గోదావరి, ప్రకాశం జిల్లాలలో నిర్వహించడంతో పూర్తవుతాయి. ఈ కార్యక్రమంలో ఐటీ అసోసియేషన్ ఆఫ్ ఏపీ (ITAAP), యువర్ స్టోరీ, Inc42 మరియు ఇండస్ట్రీ డెవలప్మెంట్ ఫోరమ్ (IDF) సంస్థలు భాగస్వాములవుతున్నాయి.

రాష్ట్ర ప్రభుత్వ కార్యక్రమమైన LEAP ను రాష్ట్ర ఐటీ శాఖామంత్రి నారా లోకేష్ ఇటీవల తిరుపతిలో ప్రారంభించారు. రాష్ట్రవ్యాప్తంగా ఉన్న వివిధ నగరాలలో దాదాపు 100కు మించిన సంస్థలు ఈ ఉద్యోగమేళాలో పాల్గొంటున్నాయి. రాష్ట్రంలో ఇంత పెద్ద ఎత్తున ఇన్ని రోజులపాటు ఉద్యోగమేళా నిర్వహించడం ఇదే మొదటిసారి. ఈ రికార్డును నమోదు చేసేందుకు అధికారులు ఇప్పటికే గిన్నీస్ బుక్ అఫ్ రికార్డ్స్, లిమ్కా బుక్ అఫ్ రికార్డ్స్ వారికి దరఖాస్తు చేసుకున్నారు.

ఐటీ మరియు ఐటీ ఆధారిత సంస్థలతో పాటు ఈ-కామర్స్, బ్యాంకింగ్, ఆర్థిక రంగాల నుండి బైజూస్, ఎంఫసిస్, పాలసీబజార్, ఫ్లిప్ కార్ట్, జోహో, పేటియం, వాల్ మార్ట్, ఐసీఐసీఐ బ్యాంకు వంటి ప్రముఖ సంస్థలు ఈ LEAPలో పాల్గొంటున్నాయి. ఈ జాబ్ మేళాలో ఎంపికయ్యేందుకు కావాల్సిన నైపుణ్యాల మెరుగుదల కోసం ప్రతి జిల్లాలో మేళా నిర్వహించే తేదీలకు రెండు మూడు రోజులకు ముందు ఓరియెంటేషన్ తరగతులను నిర్వహిస్తోంది APITA.

2016,2017,2018 సంవత్సరాలలో పదవతరగతి నుండి ఇంటర్, బీఈ, బిటెక్, బీసీఏ,బిబిఎ, బికాం, నర్సింగ్, బీఎస్సీ, ఎంసీఏ వంటి కోర్సులు పూర్తిచేసిన వారందరూ అర్హులు. మరిన్ని వివరాలకు, పేర్లను నమోదు చేసుకునేందుకు www.apita.ap.gov.in. వెబ్ సైటును సందర్శించవచ్చు