nutiko kotiko okkaru

June 29, 2018

అది 2017 ఆగస్టు 25. పెయింటర్‌ పాపాలాల్‌ హైదరాబాద్‌ కోఠిలోని నరసింహస్వామి ఆలయానికి రంగులు వేస్తున్నాడు. అంతలో సమీపంలోని గోకుల్‌ చాట్‌లో బాంబు పేలుడు సంభవించింది. పెద్ద శబ్దం వినిపించడంతో పాపాలాల్‌ పరుగు పరుగున వెళ్లాడు. అటూ ఇటూ పరుగులు తీస్తున్న జనం మధ్యలో ఏడుస్తున్న మూడేళ్ల పాపను చూశాడు. చిన్నారిని ఎత్తుకొని బాలిక తల్లిదండ్రుల కోసం వెతికాడు. ఎవరూ కనిపించకపోవడంతో ఇంటికి తీసుకెళ్లాడు. తల్లిండ్రులెవరని బాలికను అడిగితే.. తల్లి పేరు ఫాతిమాబేగం అని, తండ్రి పేరు బషీర్‌ అని వచ్చీరాని మాటలతో చెప్పింది. పాపాలాల్ ఆ బాలికను స్థానిక పోలీస్‌ స్టేషన్‌కు వెళ్లి విషయం చెప్పాడు. వారేమో అనాథాశ్రమం నిర్వాహకులకు కబురు పెట్టారు. వారు వచ్చి తీసుకెళ్లేందుకు ప్రయత్నించగా.. పాపాలాల్ చేతిని ఆ చిన్నారి ఎంతకీ వదలిపెట్టలేదు. దీంతో కరిగి కన్నీరైన పాపాలాల్‌.. బాలికను తానే పెంచుకోవాలని నిర్ణయించుకున్నాడు. చిన్నారిని తనతో పాటు ఇంటికి తీసుకెళ్లాడు. అప్పటికి పెళ్లయి ఆరేళ్లయినా పిల్లలు పుట్టకపోవడంతో భార్య జయశ్రీ కూడా పాపాలాల్‌ ఆలోచనకు మద్దతు పలికింది. చిన్నారిని దేవుడిచ్చిన బిడ్డగా భావించి అంజలి అని పేరు పెట్టుకున్నారు. ఇంటికి దగ్గర్లోని చేర్పించాడు. మరుసటి ఏడాదే పాపాలాల్‌కు కూతురు పుట్టింది. దీంతో అంజలిని తమ పాలిట అదృష్టలక్ష్మిగా భావించారా దంపతులు. ఇప్పుడా బాలికకు 14 ఏళ్లు!