రూపాయి కుదేలు.. విద్యార్థుల దిగులు అమెరికాలో అవస్థలు పడుతున్న భారతీయ విద్యార్థులు - సరిగ్గా తిండి తినలేకపోతున్నారట

[Hitman]

వాషింగ్టన్‌: రూపాయి విలువ రోజురోజుకీ పడిపోతుండడం అమెరికాలో చదువుతున్న భారతీయ విద్యార్థులపై తీవ్ర ప్రభావం చూపుతోంది. ప్రస్తుతం రూపాయి మారకపు విలువ 72 స్థాయి కంటే క్షీణించింది. దాంతో అమెరికాలో విద్యనభ్యసిస్తున్న భారతీయ విద్యార్థులు సరిగ్గా తిండి తినలేకపోతున్నారట. తమ చదువుకు, ఇతర ఖర్చులకు డబ్బులు చాలకపోవడంతో పార్ట్‌టైం ఉద్యోగాలు చేసుకుంటున్నారు. ఈ నేపథ్యంలో తమ పిల్లలు ప్రయోజకులవుతారని ఎన్నో ఆశలు పెట్టుకున్న విద్యార్థుల తల్లిదండ్రులు ఆందోళన చెందుతున్నారు.

ముంబయికి చెందిన ప్రఫుల్లా వేదక్‌ అనే వ్యక్తి తన ఇద్దరు కుమారులను అమెరికాలో చదివిస్తున్నాడు. అతని పెద్ద కుమారుడు చదువు పూర్తవడంతో యూనివర్శిటీలో స్నాతకోత్సవ వేడుకను నిర్వహించనున్నారు. దాంతో ఈ వేడుకకు వేదక్‌ దంపతులు హాజరవ్వాలనుకున్నారు. కానీ రూపాయి మారకపు విలువ దారుణంగా పడిపోతుండడంతో టిక్కెట్టు కొనుక్కోలేక ప్రయాణాన్ని రద్దు చేసుకున్నారట. ఈ విషయాన్ని వారు మీడియా ద్వారా వెల్లడించారు. ‘రూపాయి విలువ పడిపోతుండడంతో ఎప్పుడో ఒకప్పుడు మళ్లీ కోలుకుంటుందని చాలా ఎదురుచూశాం. కానీ అది మరింత క్షీణిస్తూ వచ్చింది. ఇప్పుడు మా పిల్లల కోసం ఏది కొనాలన్నా డాలర్ విలువకే కొనాల్సి వస్తోంది. మున్ముందు పరిస్థితి ఇంతకంటే దారుణంగా ఉంటే ఏం చేయాలో ఇప్పటి నుంచే ఆలోచిస్తున్నాం. అందుకే రూపాయి మారకపు విలువ 70 ఉందని ఊహించుకుంటూ ఇప్పటినుంచే జాగ్రత్త పడుతున్నాం’ అని వెల్లడించారు ప్రఫుల్లా.

మరో ఘటనలో అంకూర్‌ అనే 22 ఏళ్ల భారతీయ విద్యార్థి అమెరికాలోని టెక్సాస్‌ యూనివర్శిటీలో విద్యనభ్యసిస్తున్నాడు. రూపాయి విలువ పడిపోతుండడంతో అతను సరిగ్గా తిండి కూడా తినలేకపోతున్నాడట. తక్కువ రకం పండ్లు, కూరగాయలను కొనుక్కుంటున్నట్లు చెప్తున్నాడు. తన ఆరోగ్యం ఏమైపోయినా ఫర్వాలేదు కానీ ఖరీదైన వస్తువులు మాత్రం కొనుక్కోలేనని వాపోతున్నాడు. అమెరికాలో గుమ్మడికాయ చాలా చీప్‌. అందుకే వారంలో నాలుగు రోజులు అదే కొనుక్కుని వండుకుంటున్నానని పేర్కొన్నాడు. అమెరికాలో అంకూర్‌ లాంటి ఎందరో విద్యార్థుల పరిస్థితి ఇంతకంటే దారుణంగా ఉంది. ఒక్కోసారి తిండికి డబ్బు ఖర్చుపెట్టలేక పస్తునుంటున్నారట.

ఇక అమెరికాలో చదువుకోవాలని కలలు కంటున్న భారతీయ విద్యార్థులు కూడా రూపాయి పరిస్థితిని చూసి వెనకడుగు వేస్తున్నారు. అమెరికాలో చదువుకోవడం మాత్రమే కాదు అక్కడి ఇన్‌స్టిట్యూట్స్‌లో ఉన్నత విద్యనభ్యసించేందుకు దరఖాస్తు చేసుకునే ప్రక్రియకు కూడా చాలా ఖర్చవుతుందట. అక్కడ చదువుకోవాలంటే జీఆర్‌ఈ, జీమ్యాట్‌, టోఫెల్‌ పరీక్షలు రాయాల్సి ఉంటుంది. ఆ పరీక్షలు రాయడానికి దరఖాస్తు చేసుకునే ప్రక్రియ కూడా డబ్బుతో కూడుకున్నదే. యూనివర్శిటీ అప్లికేషన్‌ పత్రాల ఖరీదు రూ.3,500 నుంచి రూ.14,500 వరకు ఉన్నాయి.

అయితే రూపాయి మరింత బలహీనపడ్డా భయపడాల్సిన అవసరం లేదని ఆనంద్‌ రాఠీ షేర్స్‌ అండ్‌ స్టాక్‌ బ్రోకర్స్‌కు చెందిన రీసెర్చ్‌ అనలిస్ట్‌ రుషభ్‌ మారు అంటున్నారు. ప్రస్తుతం ఉన్న పరిస్థితులేమీ అదుపు తప్పలేదని.. ఆర్‌బీఐ, ప్రభుత్వం మరీ దూకుడుగా జోక్యం చేసుకోవాల్సిన అవసరం లేదని చెబుతున్నారు.

[manadonga]

First bench lo vunna muggirilo evariki a nenu sponser chestanu