snoww Posted November 5, 2018 Report Posted November 5, 2018 టీసీఎస్పై అమెరికాలో దావా.. దిల్లీ: ప్రముఖ ఐటీ కంపెనీ టాటా కన్సల్టెన్సీ సర్వీసెస్ లిమిటెడ్ అమెరికాలో విచారణ ఎదుర్కోబోతోంది. అక్కడి వివిధ శాఖల్లో పనిచేస్తున్న అమెరికన్ ఉద్యోగులను కంపెనీ ఎందుకు తొలగించిందని ప్రశ్నిస్తూ దావా దాఖలైంది. జాతి వివక్షతో తొలగించారని ఆరోపిస్తూ దాఖలైన ఈ దావాపై కాలిఫోర్నియా కోర్టులో సోమవారం విచారణ జరగనుంది. టీసీఎస్ తమను ఏ క్లైంట్స్కు అసైన్ చేయకుండా ఉద్యోగాల నుంచి తొలగించిందని, తమపై వివక్ష చూపిందని అమెరికన్ ఉద్యోగులు దావాలో పేర్కొన్నారు. టీసీఎస్ 2011 నుంచి అమెరికాలో 12.6శాతం దక్షిణాసియాయేతర ఉద్యోగులను తొలగించగా.. కేవలం 1 శాతం కంటే తక్కువ మందిని దక్షిణాసియా వాసులను తొలగించినట్లు అమెరికన్ ఉద్యోగులు ఫిర్యాదులో తెలిపారు. ఈ దావాపై టీసీఎస్ స్పందించింది. తమ కంపెనీ ఎలాంటి చట్టవిరుద్ధమైన చర్యలకు పాల్పడలేదని పేర్కొంది. పనితీరు ప్రామాణికంగానే ఉద్యోగాల నుంచి తొలగించామని, విచారణలో విజయం సాధిస్తామని టీసీఎస్ అధికార ప్రతినిధి విశ్వాసం వ్యక్తం చేశారు. అమెరికాతో పాటు అంతర్జాతీయంగా తమ వినియోగదారులకు ప్రతిభావంతులైన ఉద్యోగులను అందిస్తామని తెలిపారు. తమ కంపెనీ అన్ని చోట్లా సమాన ఉద్యోగ అవకాశాల చట్టాలు, నిబంధనలను కచ్చితంగా పాటిస్తుందని పేర్కొన్నారు. అమెరికా అధ్యక్షుడు డొనాల్డ్ ట్రంప్ హెచ్-1బీ వీసా విధానాలను వ్యతిరేకిస్తున్న సంగతి తెలిసిందే. అమెరికన్లకే ఎక్కువ ఉద్యోగాలు కల్పించాలని ఆయన పదవిలోకి వచ్చినప్పటి నుంచి చెబుతున్నారు. టీసీఎస్, ఇన్ఫోసిస్, విప్రో సహా తదితర కంపెనీలు ఎక్కువ మంది అమెరికన్లకు ఉద్యోగాలు కల్పించాలని ట్రంప్ యంత్రాంగం ఒత్తిడి చేస్తూనే ఉంది. టీసీఎస్పై జరిగే విచారణ ప్రభావం హెచ్-1బీ వీసాల ఆధారంగా ఉద్యోగాలిస్తున్న ఐటీ కంపెనీలపైనా పడే అవకాశం ఉంది. Quote
snoww Posted November 5, 2018 Author Report Posted November 5, 2018 Quote టీసీఎస్ 2011 నుంచి అమెరికాలో 12.6శాతం దక్షిణాసియాయేతర ఉద్యోగులను తొలగించగా.. కేవలం 1 శాతం కంటే తక్కువ మందిని దక్షిణాసియా వాసులను తొలగించినట్లు అమెరికన్ ఉద్యోగులు ఫిర్యాదులో తెలిపారు. Quote
Recommended Posts
Join the conversation
You can post now and register later. If you have an account, sign in now to post with your account.