Nizamina lagadapati josyam .... ‘కూటమి’దే పైచేయి.. టీఆర్‌ఎస్‌ అభ్యర్థుల కంటే రెట్టింపు ఓట్లు

[sri_india]

 

• ఉద్యోగుల ఓట్లు వారికే అధికం
• టీఆర్‌ఎస్‌ అభ్యర్థుల కంటే రెట్టింపు ఓట్లు
• పోస్టల్‌ బ్యాలెట్‌లో వెల్లడి

ఎన్నికల్లో కాంగ్రెస్‌ కూటమి ఘోరంగా పరాజయం పాలైనప్పటికీ ఉద్యోగులు మాత్రం కూటమి వైపే మొగ్గుచూపారు. ఉమ్మడి జిల్లా గ్రామీణంలోని 10 నియోజకవర్గాల్లోనూ కాంగ్రెస్‌కే ఆధిక్యత లభించింది. ఎన్నికల ఫలితాల్లో ప్రత్యర్థులకు అందని రీతిలో టీఆర్‌ఎస్‌ భారీ మెజార్టీలు సాధించింది. కానీ పోస్టల్‌ బ్యాలెట్‌ ఓట్లు అధికంగా సాధించలేక పోయింది. అనేకచోట్ల టీఆర్‌ఎస్‌ అభ్యర్ధుల కంటే కాంగ్రెస్‌కు రెట్టింపు స్థాయిలో ఉద్యోగుల పోస్టల్‌ బ్యాలెట్‌ ఓట్లు పడ్డాయి.

 

(ఆంధ్రజ్యోతి, రంగారెడ్డిజిల్లా ప్రతినిధి): ఎన్నికల్లో కాంగ్రెస్‌ కూటమి ఘోరంగా పరాజయం పాలైనప్పటికీ ఉద్యోగులు మాత్రం కూటమి వైపే మొగ్గుచూపినట్లు స్పష్టమైంది. ఉమ్మడి జిల్లాలోని 10 గ్రామీణ నియోజకవర్గాల్లో పోస్టల్‌ బ్యాలెట్‌ ద్వారా ఆయా పార్టీల అభ్యర్ధులకు పోలైన ఓట్లు పరిశీలిస్తే ప్రజాకూటమికి భారీగా ఓట్లు లభించాయి. ఎన్నికల విధులు నిర్వహించే ఉద్యోగులు తమ ఓటు హక్కును పోస్టల్‌ బ్యాలెట్‌ ద్వారా వినియోగించుకునే వెసులుబాటు ఉన్న విషయం తెలిసిందే. అయితే ఉమ్మడి జిల్లాలో చాలామంది ఉద్యోగులకు పోస్టల్‌ బ్యాలెట్‌ ద్వారా ఓటు హక్కు వినియోగించుకునే అవకాశం దక్కలేదు. పోస్టల్‌ బ్యాలెట్‌ పత్రాలు అందలేదని కొందరు ఉద్యోగులు ఆందోళన కూడా చేశారు.

 

ఇదిలాఉంటే ఓటు హక్కు వినియోగించుకున్న వారిలో మెజార్టీ శాతం కూటమికి అనుకూలంగా ఓటు వేయడం విశేషం. ఒక వైపు ఎన్నికల ఫలితాల్లో టీఆర్‌ఎస్‌ ప్రత్యర్ధులకు అందని రీతిలో భారీ మెజార్టీలు సాధించిన సమయంలో ఇపుడు ఈ అంశం చర్చనీయాంశంగా మారింది. గ్రామీణంలోని 10 నియోజకవర్గాల్లోనూ కాంగ్రె్‌సకే ఆధిక్యత లభించడం విశేషం. త్రిముఖ పోటీ ఉన్న నియోజకవర్గాల్లో కూడా కాంగ్రెస్‌, కూటమి అభ్యర్ధులకే అధికంగా పోస్టల్‌ ఓట్లు పడ్డాయి. అనేక చోట్ల టీఆర్‌ఎస్‌ అభ్యర్ధుల కంటే రెంట్టింపు స్ధాయిలో ఉద్యోగుల పోస్టల్‌ బ్యాలెట్‌ ఓట్లు పడ్డాయి. నియోజకవర్గాల వారీగా చూస్తే తాండూరులో మొత్తం 1028 పోస్టల్‌ బ్యాలెట్‌ ఓట్లు పోల్‌కాగా ఇందులో టీఆర్‌ఎస్‌ అభ్యర్ధి మంత్రి మహేందర్‌రెడ్డికి కేవలం 195 ఓట్లు మాత్రమే లభించాయి. ఇక్కడ కాంగ్రెస్‌ అభ్యర్ధి రోహిత్‌రెడ్డికి 685 ఓట్లు వచ్చాయి. అలాగే బీజేపీకి ఇక్కడ 122 ఓట్లు లభించాయి. వికారాబాద్‌లో 1106 పోస్టల్‌ బ్యాలెట్‌ ఓట్లు రాగా ఇందులో టీఆర్‌ఎస్‌ అభ్యర్ధి ఆనంద్‌కు 159 ఓట్లు, కాంగ్రెస్‌ అభ్యర్ధి ప్రసాద్‌కుమార్‌కు 593 ఓట్లు, ఫార్వర్డ్‌ బ్లాక్‌ అభ్యర్ధి చంద్రశేఖర్‌కు 285 ఓట్లు లభించాయి. ఇక పరిగి నియోజకవర్గంలో పోస్టల్‌ బ్యాలెట్‌ ఓట్లు 1,836 నమోదు కాగా టీఆర్‌ఎస్‌ అభ్యర్ధి మహే్‌షరెడ్డికి 159 ఓట్లు మాత్రమే వచ్చాయి. కాంగ్రెస్‌ అభ్యర్ధి రామ్మోహన్‌రెడ్డికి 1,085ఓట్లు, బీజేపీ అభ్యర్ధికి 159 ఓట్లు పోలయ్యాయి.

 

ఇక చేవెళ్లలో 779 ఓట్లు పోల్‌ కాగా ఇందులో టీఆర్‌ఎస్‌ అభ్యర్ధి యాదయ్యకు 298 ఓట్లు, కాంగ్రెస్‌ అభ్యర్ధి రత్నంకు 408 ఓట్లు వచ్చాయి. మహేశ్వరం నియోజకవర్గంలో పోస్టల్‌ బ్యాలెట్‌ ఓట్లు 1531 పోల్‌కాగా ఇందులో టీఆర్‌ఎస్‌ అభ్యర్ధి తీగల కృష్ణారెడ్డికి 40ఓట్లు, కాంగ్రెస్‌ అభ్యర్ధి సబితారెడ్డికి 850 ఓట్లు వచ్చాయి. అలాగే ఇక్కడ బీజేపీ అభ్యర్ధి శ్రీరాములుకు 203 ఓట్లు లభించాయి. ఇబ్రహీంపట్నం నియోజకవర్గంలో మొత్తం 1304 పోస్టల్‌ బ్యాలెట్‌ ఓట్లు పోల్‌కాగా ఇందులో 166ఓట్లు చెల్లలేదు. మిగిలిన 1,138లో టీఆర్‌ఎస్‌ అభ్యర్ధి మంచిరెడ్డి కిషన్‌రెడ్డికి 367 ఓట్లు రాగా బీఎస్పీ అభ్యర్ధి మల్‌రెడ్డి రంగారెడ్డికి 478 ఓట్లు, బీజేపీ అభ్యర్ధి అశోక్‌కు 106 ఓట్లు, టీడీపీ అభ్యర్ధి సామా రంగారెడ్డికి 101 ఓట్లు లభించాయి.

 

కొడంగల్‌ నియోజకవర్గంలో మొత్తం 712 పోస్టల్‌ బ్యాలెట్‌ ఓట్లు పోల్‌కాగా ఇందులో టీఆర్‌ఎస్‌ అభ్యర్ధి పట్నం నరేందర్‌రెడ్డికి 171 ఓట్లు లభించగా కాంగ్రెస్‌ అభ్యర్ధి రేవంత్‌రెడ్డికి 531 ఓట్లు వచ్చాయి. కల్వకుర్తిలో మొత్తం 789 పోస్టల్‌ బ్యాలెట్‌ ఓట్లు పోల్‌కాగా ఇందులో టీఆర్‌ఎస్‌ అభ్యర్ధి జైపాల్‌యాదవ్‌కు 142 ఓట్లు, బీజేపీ అభ్యర్ధి ఆచారికి 285 ఓట్లు వచ్చాయి. అయితే ఇక్కడ కాంగ్రెస్‌ అభ్యర్ధి వంశీచందర్‌కు 323 ఓట్లు లభించాయి. షాద్‌నగర్‌ నియోజకవర్గంలో మొత్తం 522ఓట్లు పోల్‌కాగా ఇందులో టీఆర్‌ఎస్‌ అభ్యర్ధి అంజయ్యయాదవ్‌కు 135 ఓట్లు రాగా కాంగ్రెస్‌ అభ్యర్ధి ప్రతా్‌పరెడ్డికి 266 ఓట్లు, బీఎస్పీ అభ్యర్ధి శంకర్‌కు 64 ఓట్లు, బీజేపీ అభ్యర్ధి శ్రీవర్ధన్‌రెడ్డికి 34 ఓట్లు లభించాయి. ఇక మేడ్చల్‌ నియోజకవర్గంలో మొత్తం 962 పోస్టల్‌ బ్యాలెట్‌ ఓట్లు రాగా ఇందులో టీఆర్‌ఎస్‌ అభ్యర్ధి మల్లారెడ్డికి 315 ఓట్లు, కాంగ్రెస్‌ అభ్యర్ధి కేఎల్లార్‌కు 391 ఓట్లు వచ్చాయి,. బీఎస్పీ అభ్యర్ధి నక్కా ప్రభాకర్‌కు 93, బీజేపీ అభ్యర్ధి మోహన్‌రెడ్డికి 69 ఓట్లు లభించాయి.