దేశంలోనే అత్యంత ఎత్తైన పైలాన్

[snoww]

ఐకానిక్‌ బ్రిడ్జి శంకుస్థాపనకు ముహూర్తం ఖరారు

అమరావతి: రాజధాని అమరావతికి తలమానికంగా నిలిచే ఐకానిక్ వంతెన నిర్మాణానికి ముహూర్తం ఖరారైంది. ముఖ్యమంత్రి చంద్రబాబు చేతుల మీదుగా శనివారం ఈ వంతెనకు శంకుస్థాపన కార్యక్రమాన్ని నిర్వహించనున్నారు. విజయవాడ శివారులోని పవిత్ర సంగమ ప్రాంతం నుంచి అమరావతిని అనుసంధానిస్తూ నిర్మించనున్న ఈ ఐకానిక్ వంతెన నిర్మాణాన్ని అమరావతి అభివృద్ధి కార్పోరేషన్ చేపట్టనుంది. 3.2 కిలోమీటర్ల పొడవున కేబుల్ బ్రిడ్జిగా నిర్మాణం చేపట్టనున్న ఐకానిక్ వంతెన కోసం 1387 కోట్ల రూపాయలు వ్యయం కానున్నాయి. ఆరు లేన్లుగా కృష్ణా నదిపై నిర్మించనున్న ఈ ఐకానిక్ వంతెనపై దేశంలోనే అత్యంత ఎత్తైన పైలాన్ కూడా నిర్మించనున్నారు. దీని ఎత్తును 170 మీటర్లుగా నిర్థరించారు. 125 మీటర్ల వెడల్పున నిర్మాణం చేయనున్న ఈ ఐకానిక్ వంతెనలో ఇరువైపులా 2.5 మీటర్ల ఫుట్ పాత్‌ను కూడా నిర్మిస్తున్నారు. పవిత్ర సంగమ ప్రాంతం నుంచి అమరావతిలోని తాళ్లాయపాలెం, రాయపూడి వద్ద ఈ వంతెన నిర్మాణం కోసం నదిలో 40 నుంచి 50 మీటర్ల లోతున పైల్స్ ను నిర్మించనున్నారు.

 

అదే సమయంలో 4వ నెంబరు జాతీయ జలమార్గంలో కార్గో రవాణా కోసం వీలుగా ఈ వంతెన నిర్మితం కానుంది. ఈ వంతెన నిర్మాణంతో హైదరాబాద్, జగదల్ పూర్‌లకు వెళ్లే మార్గం 40 మీటర్ల దూరం తగ్గనుంది. ప్రయాణికులు, రవాణాకు రెండు గంటల సమయం ఆదా కానుంది. అటు విజయవాడ ట్రాఫిక్ భారం కూడా ఈ వంతెన కారణంగా తగ్గిపోనుందని అంచనా వేస్తున్నారు. మొత్తం రెండేళ్లలో నిర్మించనున్న ఈ ఐకానిక్ వంతెన నిర్మాణ బాధ్యతను ఎల్ అండ్ టీ సంస్థకు అప్పగించారు. వంతెన నిర్మాణం కోసం నదిలో దాదాపు 36 పిల్లర్లను వేయనున్నారు. ఇబ్రహీంపట్నం సమీపంలోని రింగ్ రోడ్డు వద్ద జాతీయ రహదారికి ఈ వంతెనను అనుసంధానం చేసేలా నిర్మాణాన్ని చేపట్టనున్నారు. ఈ వంతెన నిర్మాణాన్ని అమరావతి డెవలప్‌మెంట్‌ కార్పోరేషన్ పర్యవేక్షించనుంది.

[snoww]

world's tallest ani kooda antey poyedi kada. evadu ina check chesthada paada. 

[Piracy Raja]

ఈ వంతెన నిర్మాణంతో హైదరాబాద్, జగదల్ పూర్‌లకు వెళ్లే మార్గం 40 మీటర్ల దూరం తగ్గనుంది. ప్రయాణికులు, రవాణాకు రెండు గంటల సమయం ఆదా కానుంది.