ఆడియో టేపు వ్యవహారం.. ఏబీఎన్- ఆంధ్రజ్యోతి ఎండీ రాధాకృష్ణపై విజయసాయిరెడ్డి ఫిర్యాదు!

[vatsayana]

https://www.ap7am.com/flash-news-645364-telugu.html

• ఈ ఆడియో టేపు ఏబీఎన్ ఛానల్ లో నిన్న ప్రసారం 
• జూబ్లీ హిల్స్ పోలీస్ కు వైసీపీ ఐటీ వింగ్ ఫిర్యాదు
• ఈ కుట్రలో చంద్రబాబు పాత్ర ఉందని ఆరోపణ

వైసీపీ నేత విజయసాయిరెడ్డి తన పార్టీ నేతలతో మాట్లాడినట్టుగా చెబుతున్న ఆడియో లీకై కలకలం రేపింది. ఈ వ్యాఖ్యలకు సంబంధించిన ఆడియోను ఏబీఎన్ ఛానల్ లో నిన్న ప్రసారం చేసింది. అయితే, ఆ ఆడియోలో మాటలు తనవి కాదని విజయసాయిరెడ్డి ఖండించారు. ఈ నేపథ్యంలో ఏబీఎన్-ఆంధ్రజ్యోతి ఎండీ వేమూరి రాధాకృష్ణ సహా ఏపీ సీఎం చంద్రబాబునాయుడుపై విజయసాయిరెడ్డి తరపున వైసీపీ ఐటీ వింగ్ ప్రెసిడెంట్ చల్లా మధుసూదన్ రెడ్డి ఫిర్యాదు చేశారు. విజయసాయిరెడ్డిని వాయిస్ ని డబ్బింగ్ చేసి ఆయన ప్రతిష్టను, పార్టీ ప్రతిష్టను దెబ్బతీసేలా ఈ ఛానెల్ లో అసత్య కథనాలు ప్రసారం చేశారని ఆరోపించారు. ఇందుకు సంబంధించి ఆ ఛానెల్ లో ప్రసారం చేసిన వీడియో, ఆడియో టేపులతో పాటు, ఈ సందర్భంగా నిర్వహించిన చర్చా కార్యక్రమాల వీడియోలను సాక్ష్యాలుగా అందజేశారు. ఈ కుట్ర వెనుక రాధాకృష్ణతో పాటు చంద్రబాబు కూడా ఉన్నారని, వీరిపై చర్యలు తీసుకోవాలని ఆ ఫిర్యాదులో కోరారు. కాగా, ఈ కేసు బంజారాహిల్స్ పోలీస్ స్టేషన్ పరిధిలోకి వస్తుండటంతో దీన్ని జూబ్లీహిల్స్ పోలీస్ స్టేషన్ నుంచి ఇక్కడికి బదిలీ చేసినట్టు సమాచారం.


ఏపీలో వైసీపీకి పరిస్థితులు అనుకూలంగా ఉన్నాయనీ, అంతమాత్రాన గెలిచినట్లు కాదని ఆ ఆడియోలో విజయసాయిరెడ్డి అన్నట్టుగా ఉంది. ఈ అనుకూల పరిస్థితిని విజయంగా మార్చుకోవాలంటే జాగ్రత్తగా పనిచేయాలి. మన ప్రత్యర్థి చాలా భయంకరుడు అనే విషయాన్ని గుర్తుపెట్టుకుని పోలింగ్ రోజున సాయంత్రం 5 గంటలకు ఆఖరి ఓటు పడేవరకూ అప్రమత్తంగా ఉండాలని ఆయన సూచిస్తున్నట్టు వినపడుతుంది.  ‘మీరేం టెన్షన్ పడకండబ్బా.. మనం గెలుస్తున్నాం. అనవసరంగా టెన్షన్ పడుతున్నారు. వీళ్లే జగన్ మోహన్ రెడ్డిని మిస్ లీడ్ చేసేది’ అన్న వ్యాఖ్యలు విజయసాయిరెడ్డి చేసినట్టుగా ఆ ఆడియో టేపులో ఉంటుంది. దీనిపై నిన్న స్పందించిన విజయసాయిరెడ్డి ఆ గొంతు తనది కాదని స్పష్టం చేశారు.

[DrBeta]

A2