సాక్షి మరకేసిన 'వాడు' లెక్క చెప్పిన ఆంధ్రజ్యోతి ఎండీ ఆర్కే

[vatsayana]

https://telugu.gulte.com/tnews/32684/-

రెండు మీడియా సంస్థల మధ్య పోటీ సాధారణంగా ఉంటుంది కానీ.. వైరం ఉండదు. ఒకరిని దెబ్బ తీయాలని మరొకరు అనుకోరు. కానీ.. ఏపీ రాజకీయం పుణ్యమా అని  అందుకు భిన్నమైన పరిస్థితి. ఏపీ ముఖ్యమంత్రి చంద్రబాబును ప్రత్యేక ఇంటర్వ్యూ చేసే సమయంలో ఆంధ్రజ్యోతి - ఏబిన్ ఎండీ వేమూరి రాధాకృష్ణ ఇద్దరు పిచ్చాపాటి మాట్లాడుకోవటం.. ఆ సందర్భంలో స్వర్గీయ ఎన్టీఆర్ ను ఉద్దేశించి వాడు అన్న మాటను అన్నట్లుగా ఒక సంచలన కథనాన్ని అచ్చేయటంతో పాటు.. దానికి సాక్ష్యంగా ఒక వీడియోను పెట్టారు.

దీంతో.. ఈ వ్యవహారం పెను సంచలనంగా మారి.. పెద్ద దుమారమే లేచింది. తనపై చేసే ఆరోపణలకు దమ్ముగా ఇది.. సంగతి భయ్ అంటూ ఓపెన్ అయ్యే అలవాటుకు తగ్గట్లే.. ఈ రోజు ఆంధ్రజ్యోతి రాధాకృష్ణ అసలేం జరిగింది?  ప్రజల ముందుకు వచ్చిన వీడియో అసలు లెక్కను చెప్పేశారు. 

ఎన్టీఆర్ ఆరోగ్య శ్రీ పథకాన్ని మరింతగా విస్తరించాలని.. అందులో భాగంగా చేయాల్సిన మార్పుల్ని ఆర్కే చెప్పటం.. అవును చేయాలని చంద్రబాబు రియాక్ట్ కావటం కనిపిస్తుంది. ఇక్కడే.. సాక్షి విడుదల చేసిన వీడియోలో ఒక చిన్న జర్క్ వచ్చి.. వాడి పనైపోయిందన్న మాట వచ్చేలా వీడియోను రూపొందించారని ఆర్కే తరఫున ఆంధ్రజ్యోతి పేర్కొంది. గలీజు రాతలతో జగన్ మీడియా ప్రదర్శించిన దిగజారుడుతనాన్ని కడిగిపారేసిన ఆంధ్రజ్యోతి.. అసలు వీడియోను ఎవరో చూపటం దేనికి?  ఎడిట్ చేయని వెర్షన్ ను తామే చూపిస్తామని పేర్కొనటమే కాదు.. తమ మీడియా సంస్థ వెబ్ సైట్లో పూర్తి వీడియోను పెట్టేశారు. 

అనని మాటను అన్నట్లుగా చెప్పటం.. మరక వేయటం సాక్షికి చెల్లుతుందేమో కానీ.. అది తమ నైజం కాదని.. పిచ్చాపాటి మాటల్ని తమకు తోచినట్లుగా వక్రీకరిస్తారా? అంటూ మండిపడింది. జగన్ బ్యాచ్ తెర మీదకు తెచ్చిన వీడియోకు సంబంధించిన ఇంటర్వ్యూను 2016 ఆగస్టు 25న రియల్ టైమ్ గవర్నెన్స్ సీఎం కోర్ డ్యాష్ బోర్డు పని తీరును ప్రజలకు పరిచయం చేయటానికి చంద్రబాబును ఆ రోజు ఇంటర్వ్యూ చేయటం జరిగినట్లుగా వెల్లడించింది.

ఈ మొత్తం ఎపిసోడ్ లో సాక్షి సోమవారం విడుదల చేసిన వీడియోను చూసినంతనే ఏపీ ముఖ్యమంత్రి చంద్రబాబు.. ఆంధ్రజ్యోతి ఎండీ రాధాకృష్ణలు ఎన్టీఆర్ ను చులకన చేసినట్లుగా మాట్లాడినట్లు అనిపించినా.. కానీ.. అసలు నిజం ఇదంటూ ఈ రోజు పూర్తి స్థాయి వివరణ ఇవ్వటంతో పాటు.. అసలు వీడియోను విడుదల చేయటంతో జగన్ బ్యాచ్ సెల్ఫ్ గోల్ చేసుకున్నట్లైందని చెబుతున్నారు. కీలకమైన ఎన్నికలకు సరిగ్గా రెండు రోజుల ముందు చేసుకునే ఇలాంటి సెల్ఫ్ గోల్స్ భారీ మూల్యాన్ని చెల్లించాల్సి ఉంటుందన్న అభిప్రాయం వ్యక్తమవుతోంది. 

[Kool_SRG]

2 minutes ago, vatsayana said:

అసలు వీడియోను విడుదల చేయటంతో జగన్ బ్యాచ్ సెల్ఫ్ గోల్ చేసుకున్నట్లైందని చెబుతున్నారు. కీలకమైన ఎన్నికలకు సరిగ్గా రెండు రోజుల ముందు చేసుకునే ఇలాంటి సెల్ఫ్ గోల్స్ భారీ మూల్యాన్ని చెల్లించాల్సి ఉంటుందన్న అభిప్రాయం వ్యక్తమవుతోంది. 

@mettastar      @solman

[JambaKrantu]

Sakshi ki ABN ki sahaayam gaa gulte.. 

ROFL nee yamma telugu journalism ee sthayi ki diga jaripoyindante..