Madras HC lifts BAN on TikTok - again lolli start aiythandi

[maidhanam1]

టిక్‌టాక్‌ యూజర్లకు గుడ్‌ న్యూస్‌. టిక్‌టాక్‌ మొబైల్‌ యాప్‌పై నిషేధాన్ని మద్రాస్‌ హైకోర్టు మధురై బెంచ్‌ బుధవారం ఎత్తివేసింది. యువత, చిన్నారుల్లో ఆదరణ పొందిన టిక్‌టాక్‌ మొబైల్‌ యాప్‌తో అశ్లీల కంటెంట్‌ వ్యాప్తి అవుతోందని ఆందోళన వ్యక్తం చేస్తూ ఈ నెల 3వ తేదీన కోర్టు యాప్‌ను బ్యాన్‌ చేసిన విషయం తెలిసిందే. చైనాకు చెందిన ఈ వీడియో షేరింగ్‌ మొబైల్‌ యాప్‌ డౌన్‌లోడ్‌పై నిషేధం విధించాలని ఆదేశిస్తూ కోర్టు ఉత్తర్వులు జారీ చేసింది. జస్టిస్‌ ఎన్‌ కురుబకరన్‌, జస్టిస్‌ ఎస్‌ ఎస్‌ సుందర్‌లతో కూడిన మద్రాస్‌ హైకోర్టు మధురై బెంచ్‌ ఈ ఉత్తర్వులు జారీ చేసింది.

టిక్‌టాక్‌ అశ్లీలతను పెంపొందించడమే కాకుండా.. ఆత్మహత్యలకు ప్రేరేపిస్తోందంటూ మదురైకి చెందిన సీనియర్‌ న్యాయవాది, సామాజిక కార్యకర్త ముత్తుకుమార్‌ మద్రాసు హైకోర్టులో పిటిషన్‌ దాఖలు చేశారు. దీనిపై విచారణ చేపట్టిన హైకోర్టు.. టిక్‌టాక్‌పై నిషేధం విధించాలని కేంద్రానికి సూచించింది. ఏకపక్షంగా వ్యవహరిస్తూ మద్రాస్‌ హైకోర్టు విధించిన నిషేధాన్ని సవాల్‌ చేస్తూ టిక్‌టాక్‌ సంస్థ సుప్రీం కోర్టుకు వెళ్లింది. దీనిపై ఇరువాదనలు విన్న సుప్రీంకోర్టు టిక్‌టాక్‌ యాప్‌పై మాద్రాస్‌ హైకోర్టు విధించిన నిషేధాన్ని తాత్కాలికంగా ఎత్తివేసిన విషయం తెలిసిందే.

[maidhanam1]

చెన్నై: చైనాకు చెందిన వీడియో యాప్‌ టిక్‌టాక్‌కు మద్రాసు హైకోర్టులో ఊరట లభించింది. కొన్ని పరిమితులతో మదురై ధర్మాసనం మధ్యంతర నిషేధాన్ని ఎత్తివేసింది. భారత్‌లో 54 మిలియన్ల యూజర్లు ఉన్నట్టు ఈ యాప్ వెల్లడించింది. 
ముత్తుకుమార్ అనే న్యాయవాది వేసిన కేసు ఆధారంగా హైకోర్టు దీనిపై మధ్యంతర నిషేధాన్ని విధించింది. అయితే పోర్నోగ్రఫీ వంటి వీడియోలను అప్‌లోడ్ చేయకూడదంటూ కొన్ని పరిమితులు విధిస్తూ బుధవారం ఆ నిషేధాన్ని ఎత్తివేసింది. ఆ విషయంలో వైఫల్యం చెందితే కోర్టు ధిక్కరణ కింద విచారణ ఎదుర్కోవాల్సి వస్తుందని స్పష్టం చేసింది

source: eenadu