పోలవరం రోడ్డుకు మూడోసారి పగుళ్లు

April 27, 2019

పోలవరం రోడ్డుకు మూడోసారి పగుళ్లు
28-04-2019 02:42:24

పోలవరం, ఏప్రిల్‌ 27: పోలవరం ప్రాజెక్టు రోడ్డు మళ్లీ బీటలు తీసింది. ప్రాజెక్టుకు వెళ్లే దారిలోని 902 హిల్‌ ప్రాంతం పక్కనే ఉన్న త్రివేణి వర్క్‌షాపు వద్ద భూమి ఒక్కసారిగా బీటలు తీసింది. శనివారం ఉదయం 8గంటల సమయంలో జరిగిన ఈ ఘటనతో త్రివేణి సిబ్బంది, ఏజెన్సీ గ్రామాలకు వెళ్లేవారు భయాందోళనకు గురయ్యారు. యంత్ర సామగ్రిని అక్కడి నుంచి తరలించారు. పోలవరం నుంచి ఏజెన్సీ గ్రామాలకు వెళ్లేందుకు ఈ ఒక్క రోడ్డే ఉండటంతో మళ్లీ రాకపోకలు నిలిచిపోతాయోమోనని ఏజెన్సీ వాసులు ఆందోళన చెందారు. గతంలో కూడా ఈ రోడ్డు రెండు చోట్ల బీటలు తీసింది.