Air India software crash

[kakatiya]

దిల్లీ: సాంకేతిక సమస్య కారణంగా ‘చెక్‌ ఇన్‌’ సాఫ్ట్‌వేర్‌ ఐదు గంటలకుపైగా స్తంభించడంతో శనివారం ఎయిర్‌ ఇండియా సంస్థకు చెందిన 155కుపైగా విమాన సర్వీసుల్లో జాప్యం జరిగింది. దీంతో ప్రపంచవ్యాప్తంగా అనేక విమానాశ్రయాల్లో వేలమంది ప్రయాణికులు తీవ్ర అవస్థలు పడ్డారు. ఎయిర్‌ ఇండియాకు చెందిన ప్రయాణికుల చెక్‌ ఇన్‌, బ్యాగేజీ, రిజర్వేషన్‌వంటి అంశాలను ప్యాసింజర్‌ సర్వీస్‌ సిస్టమ్‌ (పీఎస్‌ఎస్‌) అనే సాఫ్ట్‌వేర్‌ చూస్తుంది. శనివారం తెల్లవారుజామున 3.30 గంటల నుంచి ఉదయం 8.45 గంటల వరకూ ఇది పనిచేయలేదని ఎయిర్‌ ఇండియా ఛైర్మన్‌ అండ్‌ మేనేజింగ్‌ డైరెక్టర్‌ (సీఎండీ) అశ్వనీ లొహానీ పేర్కొన్నారు. ఆ సమయంలో ప్రపంచవ్యాప్తంగా వివిధ విమానాశ్రయాల్లో సిబ్బంది ఎయిర్‌ ఇండియా ప్రయాణికులకు బోర్డింగ్‌ పాస్‌లు ఇవ్వలేకపోయారు. దీంతో వేల మంది ప్రయాణికులు అక్కడ చిక్కుకుపోయారు. ఉదయం 10 గంటల సమయానికి 85 విమానాలు ఆలస్యమయ్యాయని లొహానీ చెప్పారు. ఈ ప్రభావం రోజంతా పడిందన్నారు. కొన్ని సర్వీసులను రద్దు చేయాల్సి రావొచ్చని తెలిపారు. ఆ తర్వాత ఎయిర్‌ ఇండియా ప్రతినిధి వివరణ ఇచ్చారు. మొత్తం 155 విమాన సర్వీసులపై ప్రభావం పడిందన్నారు. రాత్రి 8.30 గంటల వరకూ సరాసరిన రెండు గంటల పాటు జాప్యం ఉండొచ్చని చెప్పారు.

ఎయిర్‌ ఇండియా గ్రూప్‌లో అలయెన్స్‌ ఎయిర్‌, ఎయిర్‌ ఇండియా ఎక్స్‌ప్రెస్‌కు చెందిన విమానాలు రోజుకు దాదాపు 674 సర్వీసులను నడుపుతున్నాయి. సాఫ్ట్‌వేర్‌ స్తంభించిపోవడం వల్ల ఎక్కువగా దేశీయ సర్వీసులపైనే ప్రభావం పడిందని లొహానీ చెప్పారు. విదేశాలకు వెళ్లే విమానాలకు పెద్దగా ఇబ్బంది ఎదురుకాలేదన్నారు. జాప్యం గురించి సామాజిక మాధ్యమాలు, కాల్‌ సెంటర్‌ ద్వారా ప్రయాణికులకు చెప్పేందుకు తమ సిబ్బంది ప్రయత్నించారని చెప్పారు. సమస్య విస్తృతి దృష్ట్యా అది పూర్తిస్థాయిలో సాధ్యం కాలేదన్నారు. ఆలస్యమయ్యే సర్వీసుల ప్రయాణికులకు హోటల్‌లో బస కల్పించడం లేదా మరో విమానంలో ఎక్కించడం చేస్తామన్నారు. పీఎస్‌ఎస్‌ వ్యవస్థను అట్లాంటాకు చెందిన ‘సీతా’ అనే సంస్థ నిర్వహిస్తోంది. తాజా ఇబ్బంది వైరస్‌ వల్ల జరిగిందా లేక మరేదైనా ఇతర కారణాలున్నాయా అన్నది శోధిస్తోంది. సేవలను పూర్తిగా పునరుద్ధరించినట్లు ఆ సంస్థ తెలిపింది. గత ఏడాది జూన్‌ 23న ఇదే తరహా ఘటన చోటుచేసుకుంది. నాడు దేశవ్యాప్తంగా 25 విమాన సర్వీసులపై ప్రభావం పడింది

[Ram47]

sshreya ghoshal hyd concert induke cancel ainattu undi

[kittaya]

8 minutes ago, Ram47 said:

sshreya ghoshal hyd concert induke cancel ainattu undi

Yes