కమ్మపల్లిలో ఉద్రిక్తత, మా అమ్మ ఓటు నేనే వేస్తా.

[Hydrockers]

చంద్రగిరి నియోజకవర్గంలో రీపోలింగ్‌ జరుగుతున్న కమ్మపల్లి పోలింగ్‌ బూత్‌ వద్ద ఉద్రిక్తత చోటుచేసుకుంది. టీడీపీ నేత జయచంద్ర నాయుడు  ఆదివారం ఎన్నికల అధికారులతో వాగ్వివాదానికి దిగారు. తన తల్లి ఓటు తానే వేస్తానంటూ పోలింగ్‌ అధికారులతో గొడవకు దిగాడు. నిబంధనలకు విరుద్ధంగా అలా ఓటు వేయకూడదని అధికారులు చెప్పినా ఆయన పట్టించుకోలేదు. ఈ ఘటనపై జిల్లా కలెక్టర్‌కు ఫిర్యాదు చేయడంతో ... జయచంద్ర నాయుడును అదుపులోకి తీసుకోవాలని జిల్లా కలెక్టర్‌ ఆదేశించారు. దీంతో అతడిని అదుపులోకి తీసుకుని రామచంద్రాపురం పోలీస్‌ స్టేషన్‌కు తరలించారు. మరోవైపు తిరుపతి సబ్‌ కలెక్టర్‌ కార్యాలయంలో రీపోలింగ్‌ జరుగుతున్న ఏడు ప్రాంతాల్లో సీసీ టీవీ కెమెరాల ద్వారా అధికారులు సమీక్షిస్తున్నారు.