Galla son entry to films anta

July 7, 2019

దిల్ రాజు లాంటి నిర్మాత రంగంలోకి దిగి కూడా వెనుకంజ వేసేసిన ప్రాజెక్టు ఒకటి వుంది. ఎంపీ గల్లా జయదేవ్ కొడుకు గల్లా అశోక్ ను హీరోగా లాంచ్ చేసే ప్రాజెక్టు. సూపర్ స్టార్ మహేష్ మేనల్లుడు అయిన ఈ కుర్రాడిని లాంచ్ చేసే ప్రయత్నం చేసి వెనక్కు తగ్గారు నిర్మాత దిల్ రాజు. కుర్రాడి వ్యవహారం ఏమంత ప్రామిసింగ్ గా కనిపించకపోవడమే అందుకు కారణమని గుసగుసలు వున్నాయి.

ఆ తరువాత ఈ కుర్రాడిని ఎవరి చేతిలో పెడదాం అని తండ్రి గల్లా జయదేవ్ తెగ ప్రయత్నాలు చేస్తూ వస్తున్నారు. ఒకటి రెండు పేర్లు వినిపించాయి కానీ, ఆఖరికి ఓ డైరక్టర్ పేరు ఫైనల్ అయింది. భలే మంచి రోజు, దేవ్ దాస్ సినిమాలు అందించిన శ్రీరామ్ ఆదిత్య చేతిలో పెట్టారు ఈ కుర్రాడిని ఇప్పుడు.

ఈ సినిమాకు నిర్మాతగా గల్లా కుటుంబమే వ్యవహరిస్తుంది. గల్లా అశోక్ బాడీ లాంగ్వేజ్ కు సరిపడా మాంచి థ్రిల్లర్ స్టోరీని తయారుచేసే పనిలో బిజీగా వున్నట్లు తెలుస్తోంది. మినిమమ్ బడ్జెట్ లో కుర్రాడిని లాంచ్ చేయాలనే ప్లాన్ చేస్తున్నట్లు తెలుస్తోంది.