66వ ఫిలింఫేర్ : రంగస్థలం, మహానటి సినిమాలకు అవార్డుల పంట

[Kool_SRG]

 

66వ ఫిలింఫేర్ అవార్డుల కార్యక్రమం చెన్నైలో అట్టహాసంగా జరిగింది. టాలీవుడ్, కోలీవుడ్, కన్నడ, మల‌యాళ తార‌ల సంద‌డితో సభా ప్రాంగ‌ణం అంతా కోలాహాలంగా కనిపించింది. తెలుగు సినిమాలకు సంబంధించి రంగస్థలం, మహానటి సినిమాలకు అవార్డుల పంట పండింది. కన్నడ భామ రష్మిక మందానను ఉత్తమ నటిగా స్పెషల్ జ్యూరి అవార్డు వరించింది. 'గీత గోవిందం' సినిమాలో ఆమె నటనకు గాను ఈ అవార్డు లభించింది. ఇక బెస్ట్ యాక్టర్ ఇన్ సపోర్టింగ్ రోల్ కేటగిరీలో అరవింద సమేత సినిమా నుంచి జగపతిబాబు ఎంపికయ్యారు. 

రంగస్థలం సినిమాకు అవార్డుల పంట పండింది. మెగా వారసుడు రామ్ చరణ్‌ను బెస్ట్ యాక్టర్ అవార్డు వరించింది. ఆయన కెరీర్‌‌లో ఉత్తమ చిత్రమైన రంగస్థలం సినిమాలో నటనకు గాను ఫిల్మ్‌ఫేర్ ఉత్తమ నటుడిగా ఈ అవార్డు అందుకున్నాడు రామ్ చరణ్. రంగమ్మత్త క్యారెక్టర్‌లో అద్భతమైన నటనతో ఆకట్టుకున్న యాంకర్ అనసూయ.. ఉత్తమ సహాయనటిగా అవార్డు అందుకుంది. బెస్ట్ మ్యూజిక్ ఆల్బం కేటగిరీలో దేవి శ్రీ ప్రసాద్, బెస్ట్ లిరిక్స్ కేటగిరీలో చంద్రబోస్ రంగస్థలంలోని ఎంత సక్కగున్నావే సాంగ్‌ నుంచి ఎంపికయ్యారు. 

మహానటి' సినిమాకు గాను ఇటీవలే ఉత్తమ నటిగా నేషనల్ అవార్డ్ అందుకున్న కీర్తి సురేష్ మళ్ళీ ఇప్పుడు ఫిల్మ్‌ఫేర్ కూడా సొంతం చేసుకుంది. లీడింగ్ రోల్ బెస్ట్ ఫీమేల్‌ యాక్టర్ అవార్డు ఆమెను వరించింది. ఈ సినిమాను అద్భుతంగా తెరకెక్కించిన నాగ్‌ అశ్విన్‌ ఉత్తమ దర్శకుడిగా అవార్డు దక్కించుకున్నాడు. మహానటి' సినిమా ద్వారా తెలుగు ఇండస్ట్రీకి పరిచమైన దుల్కర్‌ సల్మాన్‌ ఉత్తమ నటుడిగా స్పెషల్ జ్యూరి అవార్డు అందుకున్నాడు.

[Kool_SRG]