Alcohol anukunni Pesticide taagi

[AndhraneedSCS]

అల్లుడి అంత్యక్రియలకు వచ్చి.. బెడ్రూంలో మద్యం సీసాను చూసి..

 

విషాదం నింపిన విషం

పురుగుల మందు కలిపిన మద్యం తాగి ఒకరి మృతి..

అల్లుడు ఆత్మహత్య చేసుకున్నాక.. పొరపాటున అదే మద్యం తాగిన మామ

 

అంత్యక్రియలకు వచ్చి మృత్యు ఒడిలోకి..

కాటారం, వరంగల్, ఫిబ్రవరి 8: మద్యంలో పురుగుల మందు కలుపుకొని అల్లుడు ఆత్మహత్య చేసుకు న్నాడు. అంత్యక్రియల అనంతరం అదే మద్యాన్ని పొరబాటున మామ తాగాడు. అపస్మారక స్థితికి చేరుకొని అతడూ మృతి చెందాడు. ఈ ఘటన మండల కేంద్రంలో చోటు చేసుకుంది. ఎస్సై ముత్తె నరేష్‌ తెలిపిన వివరాల ప్రకారం...  మల్హర్‌ మండలం పెద్ద తూండ్ల గ్రామానికి చెందిన పోలు రవి కూతురును  మద్ది నాగరాజు మూడేళ్ల క్రితం ప్రేమ వివాహం చేసుకున్నాడు. అప్పుల బాగా పెరగడంతో మనస్తాపం చెందిన నాగరాజు ఈనెల 6న మద్యంలో పురుగుల మందు కలుపుకొని తాగాడు. అస్వస్థతకు గురైన అతడిని ఆస్పత్రికి తరలించగా చికిత్స పొందుతూ శుక్రవారం మృతిచెందాడు. అల్లుడి అంత్యక్రియలకు కాటారం వచ్చిన రవి (45) తీవ్ర మనోవేదనకు గురయ్యాడు.

 

అంత్యక్రియల అనంతరం వైన్‌షాపు నుంచి మద్యం తెచ్చుకొని తాగాలను కున్నాడు. ఇంతలోనే బెడ్‌రూంలో అతడికి మద్యం బాటిల్‌ కనిపించింది. అల్లుడు నాగరాజు అదే మద్యాన్ని తాగి ఆత్మహత్య చేసుకున్నాడనే విషయం తెలియక రవి దాన్ని తాగాడు. దీంతో ఒక్కసారిగా అస్వస్థతకు గురైన అతడిని మహదేవపూర్‌ ప్రభుత్వ ఆస్పత్రికి తరలించారు. చికిత్స అందిస్తున్న క్రమంలో రవి శనివారం మృతిచెందాడు. భార్య ఇచ్చిన ఫిర్యాదు మేరకు కేసు నమోదు చేసుకున్నట్టు ఎస్సై తెలిపారు. ఒకే ఇంట్లో ఇద్దరు మృతి చెందడంతో ఆ కుటుంబంలో రోదనలు మిన్నంటాయి. ఈ సంఘటన స్థానికంగా చర్చనీయాంశమైంది.

[k2s]

Rip