Ananthapuram Dist lo oka MRO

[AndhraneedSCS]

అనంతపురంలో తహసీల్దార్‌కు కరోనా పాజిటివ్‌

అనంతపురం: ఏపీలో తహసీల్దార్‌కు కరోనా పాజిటివ్‌ నిర్థారణ అయింది. అనంతపురం జిల్లాలో ఓ తహసీల్దార్‌కు కరోనా సోకినట్లు జిల్లా కలెక్టర్‌ గంధం చంద్రుడు ప్రకటించారు. హిందూపురంలో నివసిస్తున్న తహసీల్దార్‌.. అనారోగ్యంతో గత కొన్ని రోజులుగా విధులకు హాజరుకాలేదు. దీంతో నమూనాలను సేకరించి పరీక్షలకు పంపగా కరోనా సోకినట్లు నిర్ధారించారు. అనంతరం తహసీల్దార్‌ను అనంతపురంలోని కొవిడ్‌ ఆస్పత్రికి తరలించారు.

మరోవైపు తహసీల్దార్‌ డ్రైవర్‌, అటెండర్‌, కార్యాలయ సిబ్బంది చిరునామాలను అధికారులు సేకరించారు. సిబ్బందిని వెంటనే క్వారంటైన్‌కు తరలించేందుకు చర్యలు చేపట్టారు. కరోనా నివారణకు తీసుకున్న చర్యలపై ఇటీవల మడకశిర ఎమ్మెల్యే తిప్పేస్వామి నిర్వహించిన సమీక్షకు తహసీల్దార్‌ హాజరైనట్లు అధికారులు గుర్తించారు. దీంతో ఆ ఎమ్మెల్యే సైతం క్వారంటైన్‌లో ఉండాల్సిన పరిస్థితి ఏర్పడింది.

[AndhraneedSCS]

Veedu entha mandiki antinchado