‘నమస్తే ట్రంప్’తోనే కొంపమునిగింది..😀

May 31, 2020

దేశంలో మహమ్మారి వైరస్ వ్యాప్తికి బీజేపీ కారణమని శివసేన సంచలన ఆరోపణ చేసింది. శివసేన సీనియర్ ఎంపీ సంజయ్ రౌత్ తాజాగా బీజేపీపై సంచలన వ్యాఖ్యలు చేశారు. గుజరాత్ ముంబై ఢిల్లీలో కరోనా వైరస్ ఇంత పెద్ద సంఖ్యలో వ్యాప్తి చెందడానికి ఫిబ్రవరి చివరన నిర్వహించిన ‘నమస్తే ట్రంప్’ కార్యక్రమమే కారణమని శివసేన ఎంపీ సంజయ్ రౌత్ ఆరోపించారు. ఈ మూడు నగరాల్లో అమెరికాకు చెందిన ప్రతినిధులు పర్యటించారని.. వారినుంచే కరోనా వ్యాప్తి చెందిందని ఆయన తీవ్ర విమర్శలు చేశారు. ఈ మేరకు శివసేన అధికార పత్రిక సామ్నాలో సంజయ్ రౌత్ తాజాగా బీజేపీపై సంచలన ఆరోపణలు చేశారు.