కోహ్లీకి లీవ్‌.. టెస్టుల్లోకి రోహిత్‌: బీసీసీఐ

[r2d2]

భుజం గాయంతో మిస్టరీ స్పిన్నర్‌ వరుణ్‌ చక్రవర్తి ఔట్‌ టీమ్‌ఇండియా సారథి విరాట్‌ కోహ్లీకి బీసీసీఐ పితృత్వపు సెలవులను మంజూరు చేసింది. ఆస్ట్రేలియాతో తొలి టెస్టు తర్వాత అతడు భారత్‌కు తిరిగొస్తాడని తెలిపింది. తొడ కండరాల గాయం వల్ల తొలుత ఎంపికవ్వని రోహిత్ ‌శర్మను టెస్టు జట్టులోకి తీసుకుంది.

కోహ్లీ సతీమణి అనుష్క శర్మ 2021, జనవరిలో ప్రసవించే అవకాశం ఉంది. కాన్పు సమయంలో ఆమె చెంతనే ఉండాలనే ఉద్దేశంతో విరాట్‌ సెలవులు తీసుకున్నాడు. ‘అడిలైడ్‌లో తొలిటెస్టు తర్వాత భారత్‌కు వెళ్లాలనుకున్న తన ప్రణాళికలను విరాట్‌ కోహ్లీ బీసీసీఐకి తెలియజేశాడు. టీమ్‌ఇండియా సారథి పితృత్వపు సెలవులు తీసుకొనేందుకు బోర్డు అంగీకరించింది’ అని బీసీసీఐ కార్యదర్శి జే షా వెల్లడించారు.

టెస్టుల్లోకి రోహిత్‌

ఫిట్‌నెస్‌ ఇబ్బందులు ఎదుర్కొంటున్న రోహిత్‌శర్మ గురించి జే షా మాట్లాడారు. ‘రోహిత్‌ను బీసీసీఐ వైద్యబృందం పర్యవేక్షిస్తోంది. సెలక్షన్‌ కమిటీకీ ఇదే విషయం చెప్పాం. పూర్తి ఫిట్‌నెస్‌ సాధించేందుకే అతడిని సంప్రదించి వన్డే, టీ20 సిరీసుల్లో విశ్రాంతినిస్తున్నాం. బోర్డర్‌-గావస్కర్‌ ట్రోఫీకి ఎంపిక చేశాం’ అని ఆయన తెలిపారు. దేహదారుఢ్యాన్ని బట్టే పేసర్‌ ఇషాంత్‌ శర్మను తీసుకుంటారని ఆయన స్పష్టం చేశారు. భుజం గాయం వల్ల టీ20 సిరీస్‌ నుంచి మిస్టరీ స్పిన్నర్‌ వరుణ్‌ చక్రవర్తిని తప్పిస్తున్నామని ప్రకటించారు. గతంలో కేవలం టీ20 సిరీస్‌కే ఎంపిక చేసిన సంజు శాంసన్‌ను అదనపు కీపర్‌గా వన్డే జట్టులోకి తీసుకున్నామని వెల్లడించారు.

ఐపీఎల్‌ ముగిసిన మరుసటి రోజే టీమ్‌ఇండియా ఆస్ట్రేలియాకు బయల్దేరుతుంది. వారం రోజులు అక్కడ క్వారంటైన్‌లో ఉండి సాధన చేస్తుంది. నవంబర్‌ 27 నుంచి ప్రారంభం కానున్న ఆస్ట్రేలియా పర్యటనలో భారత్‌ మూడు టీ20లు, మూడు వన్డేలు, నాలుగు టెస్టులు ఆడనుంది

[ganesh]

Even though I like Rohit compared to Kohli, Out of Asia tests lo peddaga podichindi ledu Rohit Sharma.. Australia series going to be biscuit