తెలంగాణలో పార్టీ ఏర్పాటు తేదీ ప్రకటించిన షర్మిల

June 8, 2021

ప్రతీ ఇంటికి చేరేలా వైఎస్ఆర్ తెలంగాణ పార్టీ పెట్టాలనుకున్నట్లు ప్రకటనలో పేర్కొన్నారు. పార్టీ పేరుపై వైఎస్ విజయమ్మకు కూడా ఎలాంటి అభ్యంతరం లేదని తెెలిపారు.

ప్రధానాంశాలు:

వచ్చేనెల వైఎస్ఆర్ జయంతి
ఆరోజు పార్టీ ఏర్పాటు చేయనున్న షర్మిల
పార్టీ రిజిస్ట్రేషన్ ప్రక్రియ పూర్తి

తెలంగాణ వైఎస్ఆర్ అభిమానులకు శుభవార్త చెప్పారు వైస్ షర్మిల. వైఎస్ఆర్ కార్యకర్తలు, అభిమానులు ఎప్పుడెప్పుడా అని ఎదురు చూస్తున్న షర్మిల పార్టీ ప్రకటనకు ముహుర్తం ఖారరైంది. ఈ మేరకు

వైఎస్ షర్మిల లోటస్ పాండ్ కార్యాలయం కీలక ప్రకటన ఒకటి విడుదల చేసింది. దివంగత సీఎం రాజశేఖర్ రెడ్డి గారి పుట్టినరోజు జూలైన 8వ తేదీన పార్టీని ఏర్పాటు చేయబోతున్నట్లు ప్రకటించారు. పార్టీ ఆవిర్భావానికి కావాల్సిన అన్నిరకాల ఏర్పాట్లను .. కార్యక్రమాలను ఇప్పటికే ప్రారంభించామన్నారు.

దివంగత ముఖ్యమంత్రి వైఎస్ రాజశేఖర్ రెడ్డి సంక్షేమ పాలన తెలంగాణాలో మళ్ళీ తీసుకురావడం కోసం, YSR గారి ఆశయాలు, ఆలోచనలు ప్రతిబింబించేలా, YSR గారు అందించిన సంక్షేమం .. ప్రతి ఇంటికి మళ్ళీ చేరేలా "YSR తెలంగాణ" పార్టీ పెట్టాలనుకుంటున్నట్లు పేర్కొన్నారు. YSR తెలంగాణ పార్టీ రిజిస్ట్రేషన్ ప్రక్రియ పనులన్నీ కూడా ఎలక్షన్ కమిషన్ వద్ద పూర్తయ్యాయన్నారు. పార్టీ పేరుపై YS విజయమ్మగారికి ఎటువంటి అభ్యంతరం లేదని వారు ఇచ్చిన లేఖను కూడా పార్టీ పేరుకు మద్దతుగా ఎలక్షన్ కమిషన్ కు ఇవ్వడం జరిగిందన్నారు.

ఎలక్షన్ కమిషన్ అఫ్ ఇండియా .. "YSR తెలంగాణ" పార్టీకి సంబంధించిన రిజిస్ట్రేషన్ ప్రక్రియ లో భాగంగా వారి అఫిషియల్ వెబ్ సైట్‌లో పార్టీ పేరు పైన ఏమైనా అభ్యంతరాలు ఉంటే తెలుపాలని ఏప్రిల్ 30 వ తేదీనే ఎలెక్షన్ కమిషన్ తెలిపింది. ఇప్పటివరకు ఎటువంటి అభ్యంతరాలు రాలేదంటే అనుమతుల ప్రాసెస్ పూర్తయిందని అనుకుంటున్నన్నారు. ఎలక్షన్ కమిషన్ అఫ్ ఇండియా నుంచి అఫిషియల్ గా అనుమతి పత్రాలు రాగానే పార్టీకి సంబంధించినటువంటీ మరిన్ని వివరాలు మీకు ప్రకటిస్తామని పేర్కొన్నారు. YSR తెలంగాణ పార్టీ పేరు YS విజయమ్మ గారి సమ్మతితోటి .. వారి ఆశీస్సుల తోటే జరిగింది కాబట్టి ఇతరులకు అభ్యంతరం ఉంటుంది అని మేము అనుకోవడం లేదన్నారు.