Peruthopaniemundhi Posted December 20, 2022 Report Posted December 20, 2022 ప్రైవేటీకరణ జాబితాలో 3 విమానాశ్రయాలు ఆంధ్రప్రదేశ్లోని విజయవాడ, తిరుపతి, రాజమండ్రి విమానాశ్రయాలు ప్రైవేటీకరణ జాబితాలో ఉన్నాయి. ఏపీలో విజయవాడ, తిరుపతి, రాజమండ్రి ఈనాడు, దిల్లీ: ఆంధ్రప్రదేశ్లోని విజయవాడ, తిరుపతి, రాజమండ్రి విమానాశ్రయాలు ప్రైవేటీకరణ జాబితాలో ఉన్నాయి. నేషనల్ మానిటైజేషన్ పైప్లైన్ కింద కేంద్ర ప్రభుత్వం 2022-25 మధ్యకాలంలో దేశంలోని 25 విమానాశ్రయాలను లీజుకు ఇవ్వాలని నిర్ణయించగా అందులో ఈ మూడూ చోటు సంపాదించుకున్నాయి. విమానాశ్రయాల ప్రైవేటీకరణపై సోమవారం రాజ్యసభలో కేరళ సీపీఎం సభ్యుడు ఎలమారం కరీం అడిగిన ప్రశ్నకు కేంద్ర పౌరవిమానయాన శాఖ సహాయ మంత్రి వీకేసింగ్ ఇచ్చిన సమాధానం ద్వారా ఈ విషయం తెలిసింది. ఇప్పటి వరకు దేశంలోని 8 విమానాశ్రయాలను పీపీపీ విధానంలో లీజుకు ఇచ్చినట్లు మంత్రి తెలిపారు. భోగాపురానికి 2,160 ఎకరాల భూసేకరణ ఆంధ్రప్రదేశ్ ప్రభుత్వం పీపీపీ విధానంలో నిర్మిస్తున్న భోగాపురం గ్రీన్ఫీల్డ్ ఎయిర్పోర్టుకు 2,203 ఎకరాలు కావాల్సి ఉండగా ఇప్పటి వరకు 2,160.47 ఎకరాలు సేకరించినట్లు కేంద్ర మంత్రి వీకేసింగ్ తెలిపారు. రాజ్యసభలో తెదేపా, భాజపా సభ్యులు కనకమేడల రవీంద్రకుమార్, జీవీఎల్ నరసింహారావులు అడిగిన ప్రశ్నలకు ఆయన ఈ సమాధానమిచ్చారు. ఈ విమానాశ్రయ నిర్మాణానికి రూ.2,500 కోట్లు అవుతుందని ప్రాథమికంగా అంచనా వేసినట్లు తెలిపారు. సవరించిన అంచనాలను ఏపీ ప్రభుత్వం, ప్రాజెక్టు అభివృద్ధిదారు కలిసి ఖరారు చేయాల్సి ఉందన్నారు. కన్సెషన్ అగ్రిమెంట్ ప్రకారం విమానాశ్రయం తొలి దశ పూర్తయితే ఏటా 60 లక్షల మంది ప్రయాణికుల అవసరాలు తీర్చగలుగుతుందని పేర్కొన్నారు. ప్రస్తుతం ఇచ్చిన స్థలానుమతి ప్రకారం ఈ విమానాశ్రయం ప్రారంభమైన తర్వాత 30 ఏళ్లపాటు వైజాగ్ నావల్ ఎయిర్ఫీల్డ్ నుంచి షెడ్యూల్డ్ కమర్షియల్ విమానాలు నడపకూడదన్నారు. ఆ తర్వాత ఎయిర్పోర్టు అథారిటీ ఆఫ్ ఇండియా అవసరాలకు తగ్గట్టు షెడ్యూల్డ్ విమానాలు నడుపుకోవచ్చని వివరించారు. 2022 శీతాకాల షెడ్యూల్ ప్రకారం ఆంధ్రప్రదేశ్లోని మూడు అంతర్జాతీయ విమానాశ్రయాల నుంచి 15 అంతర్జాతీయ విమానాలు నిర్వహిస్తున్నట్లు వెల్లడించారు. Quote
Recommended Posts
Join the conversation
You can post now and register later. If you have an account, sign in now to post with your account.