Nara Lokesh: నారా లోకేశ్ ఆధ్వర్యంలో నవంబరు 1 నుంచి 'భవిష్యత్ కు గ్యారెంటీ' కార్యక్రమం

[psycopk]

Nara Lokesh: నారా లోకేశ్ ఆధ్వర్యంలో నవంబరు 1 నుంచి 'భవిష్యత్ కు గ్యారెంటీ' కార్యక్రమం 

21-10-2023 Sat 17:29 | Andhra

• ఇవాళ లోకేశ్ అధ్యక్షతన టీడీపీ సర్వసభ్య సమావేశం
• ఐదు గంటల పాటు సాగిన కీలక సమావేశం
• పలు కీలక నిర్ణయాలు తీసుకున్న టీడీపీ నాయకత్వం 

 

టీడీపీ అధినేత చంద్రబాబు 'భవిష్యత్ కు గ్యారెంటీ' కార్యక్రమంలో భాగంగా రాష్ట్రవ్యాప్తంగా పర్యటనలు చేపడుతున్న సమయంలోనే అరెస్టయిన సంగతి తెలిసిందే. ఇప్పుడా కార్యక్రమాన్ని చంద్రబాబు తనయుడు నారా లోకేశ్ ముందుకు తీసుకెళ్లనున్నారు. 

టీడీపీ జాతీయ ప్రధాన కార్యదర్శి నారా లోకేశ్ అధ్యక్షతన టీడీపీ సర్వసభ్య సమావేశం ఈ రోజు 5 గంటల పాటు సాగింది. నారా లోకేశ్ ఆధ్వర్యంలో  నవంబరు 1 నుంచి 'భవిష్యత్ కు గ్యారెంటీ' కార్యక్రమాన్ని కొనసాగించాలని ఈ సమావేశంలో నిర్ణయించారు. చంద్రబాబు అరెస్ట్ నేపథ్యంలో ఈ కార్యక్రమం నంద్యాలలో ఆగిపోగా, తిరిగి అక్కడ్నించే నారా లోకేశ్ కొనసాగించనున్నారు. చంద్రబాబు అరెస్ట్ అంశాన్ని ప్రజల్లోకి బలంగా తీసుకెళ్లాలని తీర్మానించారు. 

ఇక, నారా భువనేశ్వరి ఆధ్వర్యంలో నిర్వహించబోయే 'నిజం గెలవాలి' కార్యక్రమం వారానికి మూడు రోజులు చేపట్టాలని నిర్ణయించారు.

[Guest]

Akkada Lokesh, TDP bhaviyshatthu ke guarantee ledu ...veedu janalaki guarantee isthada? Kastha kuda comedy timing lekapothe ela cheppu?!

[psycopk]

Nara Bhuvaneswari: ఈ నెల 25 నుంచి 'నిజం గెలవాలి' పేరిట నారా భువనేశ్వరి యాత్ర చేస్తారు: లోకేశ్ 

21-10-2023 Sat 15:41 | Andhra

• స్కిల్ కేసులో చంద్రబాబు అరెస్ట్ 
• ఆవేదనతో మరణించిన వారి కుటుంబాలను భువనేశ్వరి పరామర్శిస్తారన్న లోకేశ్
• చంద్రగిరి నియోజకవర్గం నుంచి యాత్ర ప్రారంభమవుతుందని వెల్లడి

 

టీడీపీ అధినేత చంద్రబాబునాయుడు అర్ధాంగి నారా భువనేశ్వరి ఇప్పటిదాకా ప్రజల్లోకి వెళ్లింది లేదు. కానీ, స్కిల్ డెవలప్ మెంట్ కేసులో చంద్రబాబు అరెస్టయ్యాక ఆమె బయటికి రావాల్సి వస్తోంది. ఈ క్రమంలో, ఆమె ప్రజల్లోకి వెళ్లాలని నిర్ణయించుకున్నారు. దీనికి సంబంధించిన వివరాలను టీడీపీ జాతీయ ప్రధాన కార్యదర్శి నారా లోకేశ్ వెల్లడించారు. 

'నిజం గెలవాలి' పేరుతో నారా భువనేశ్వరి ఈ నెల 25 నుంచి రాష్ట్రంలో యాత్ర చేపడతారని తెలిపారు. చంద్రబాబు అరెస్ట్ అయ్యాక ఆవేదనతో మరణించినవారిని ఆమె పరామర్శిస్తారని వివరించారు. చంద్రగిరి నియోజకవర్గం నుంచి భువనేశ్వరి యాత్ర ప్రారంభిస్తారని లోకేశ్ వెల్లడించారు. యాత్ర ప్రారంభానికి ముందు భువనేశ్వరి ఈ నెల 24న తిరుమల శ్రీవారిని దర్శించుకుంటారని తెలిపారు. తిరుమల నుంచి అదే రోజున బయల్దేరి నారావారిపల్లెకు వెళతారని లోకేశ్ చెప్పారు.

[psycopk]

Paritala Sunitha: చంద్రబాబు ఎలాంటి తప్పు చేయలేదు... న్యాయం గెలుస్తుంది: పరిటాల సునీత 

21-10-2023 Sat 14:24 | Andhra

• బెజవాడ కనకదుర్గమ్మవారిని దర్శించుకున్న మాజీ మంత్రి
• చంద్రబాబు ఆయురారోగ్యాలతో ఉండాలని అమ్మవారిని ప్రార్థించానన్న సునీత
• వచ్చే ఎన్నికల్లో చంద్రబాబు గెలిచి ముఖ్యమంత్రి అవుతారన్న టీడీపీ నేత

 

చంద్రబాబు పూర్తి ఆయురారోగ్యాలతో ఉండాలని తాను బెజవాడ కనకదుర్గమ్మ తల్లిని ప్రార్థించానని మాజీ మంత్రి, టీడీపీ నేత పరిటాల సునీత అన్నారు. శనివారం ఆమె విజయవాడ ఇంద్రకీలాద్రికి వచ్చి లలితా త్రిపుర సుందరీదేవి రూపంలో దర్శనమిచ్చిన దుర్గమ్మను దర్శించుకున్నారు. అనంతరం ఆమె బయట మీడియాతో మాట్లాడుతూ... న్యాయం గెలుస్తుందనే నమ్మకం తమకు ఉందన్నారు. తమ పార్టీ అధినేత ఎలాంటి తప్పు చేయలేదన్నారు.

వచ్చే ఆంధ్రప్రదేశ్ శాసన సభ ఎన్నికల్లో గెలిచి చంద్రబాబు ముఖ్యమంత్రిగా అసెంబ్లీలో అడుగుపెడతారని ఆశాభావం వ్యక్తం చేశారు. రాష్ట్రం సుభిక్షంగా ఉండాలని కూడా అమ్మవారిని కోరుకున్నట్లు చెప్పారు. కాగా, లలితా త్రిపుర సందరీదేవి అలంకరణలో దర్శనమిచ్చిన అమ్మవారిని దర్శించుకోవడానికి ఈ రోజు పెద్ద ఎత్తున భక్తులు తరలి వచ్చారు.

[psycopk]

Atchannaidu: ఐదు నెలలు ఆగు పెద్దిరెడ్డీ... నీ సంగతేంటో చూస్తాం: అచ్చెన్నాయుడు 

21-10-2023 Sat 15:08 | Andhra

• టీడీపీ కార్యకర్తల పసుపు చొక్కాలు విప్పించిన వైసీపీ నేతలు
• పుంగనూరు మండలంలో ఘటన
• కార్యకర్తలను వేధించిన ఏ ఒక్కరినీ వదిలేది లేదన్న అచ్చెన్నాయుడు
• టీడీపీలో తరం మారింది... యువరక్తం వచ్చిందంటూ వ్యాఖ్యలు

 

శ్రీకాకుళం జిల్లాకు చెందిన టీడీపీ కార్యకర్తలు కుప్పం వరకు సైకిల్ ర్యాలీ చేపట్టగా, పుంగనూరు మండలంలో వారిని స్థానిక వైసీపీ నేతలు అడ్డుకున్నారు. ఆ టీడీపీ కార్యకర్తల పసుపు చొక్కాలు విప్పించి, టీడీపీ జెండాలు తీసేయించారు. పుంగనూరుకు చంద్రబాబునే రానివ్వలేదు... మీరెవర్రా పసుపు జెండాలతో రావడానికి... ఇది మంత్రి పెద్దిరెడ్డి అడ్డా అంటూ సదరు వైసీపీ నేతలు ఆగ్రహం వ్యక్తం చేశారు. మిమ్మల్ని కొట్టకుండా వదిలేస్తున్నాం సంతోషించండి అంటూ ఆ టీడీపీ కార్యకర్తలను పంపించివేశారు. దీనికి సంబంధించిన వీడియో వైరల్ అయింది. 

ఈ నేపథ్యంలో, ఏపీ టీడీపీ అధ్యక్షుడు కింజరాపు అచ్చెన్నాయుడు తీవ్రస్థాయిలో ధ్వజమెత్తారు. ఏం పెద్దిరెడ్డీ... ఈ రాష్ట్రం నీ జాగీరు అనుకుంటున్నావా? అని మండిపడ్డారు. నువ్వసలు మనిషివేనా... ఐదు నెలల తర్వాత నీ పరిస్థితి ఏంటి? రాష్ట్రం వదిలి వెళ్లిపోతావా? అంటూ నిప్పులు చెరిగారు. 

"నీకసలు మానవత్వం ఉందా... చంద్రబాబు అక్రమ అరెస్ట్ ను నిరసిస్తూ శ్రీకాకుళం నుంచి కుప్పంకు టీడీపీ సామాన్య కార్యకర్తలు సైకిల్ ర్యాలీ చేస్తుంటే, పసుపు కండువాలు నా పుంగనూరులో కనబడకూడదు అంటూ నీ కుక్కలను పంపించి ఆ టీడీపీ కార్యకర్తలను దారుణంగా అవమానించావు. ఖబడ్దార్... పెద్దిరెడ్డీ! ఐదు నెలలు ఆగు... భూతద్దంతో వెదికినా కనబడకుండా చేసే బాధ్యత మా యువ నాయకుడు నారా లోకేశ్ తీసుకుంటాడు. 

గెలిచేంత వరకే టీడీపీ ఇలాంటి మాటలు చెబుతుంది అని చాలా మంది అనుకుంటుంటారు. గెలిచిన తర్వాత అమరావతి, పోలవరం, రోడ్లు, నీళ్లు అంటూ అభివృద్ధి పనులకే ప్రాధాన్యం ఇచ్చి కార్యకర్తలను పట్టించుకోరనే పిచ్చి భ్రమల్లో ఉన్నారు. ఇలాంటి వాళ్లు ఒక్క విషయం గమనించాలి... టీడీపీలో తరం మారింది... యువరక్తం వచ్చింది... గత నాలుగున్నరేళ్లలో టీడీపీ కార్యకర్తలను వేధించిన ఏ ఒక్కరినీ వదిలేది లేదని నారా లోకేశ్ ఇప్పటికే ప్రకటించారు" అంటూ అచ్చెన్నాయుడు ఉద్ఘాటించారు.

[psycopk]

Motkupally: జగన్.. నీకేమైనా సిగ్గుందా? అంటూ మోత్కుపల్లి తీవ్ర వ్యాఖ్యలు 

21-10-2023 Sat 13:44 | Both States

• అధికారంలోకి రాగానే జగన్ కు మైకం కమ్మిందని విమర్శ
• చంద్రబాబుకు ఏదైనా జరిగితే జగన్ దే బాధ్యతని హెచ్చరిక
• ఆయనను జైలులో పెట్టి రాక్షసానందం పొందుతున్నాడన్న మోత్కుపల్లి

 

యువకుడు, ఉత్సాహవంతుడు ఒకసారి అవకాశం ఇస్తే బాగా పాలిస్తాడనే ఉద్దేశంతో జగన్ కు ఆంధ్రప్రదేశ్ ప్రజలు అవకాశం ఇచ్చారని మోత్కుపల్లి నర్సింహులు పేర్కొన్నారు. తాను కూడా అదే ఉద్దేశంతో గత ఎన్నికలకు ముందు జగన్ కు ఓటేయాలని పిలుపునిచ్చానని చెప్పారు. అయితే, అధికారంలోకి రాగానే జగన్ కు మైకం కమ్మిందని విమర్శించారు. తన విజయానికి పాటుపడ్డ తల్లిని, చెల్లిని జగన్ బయటకు పంపించాడని ఆరోపించారు. 

ప్రజల కోసమే నిరంతరం ఆలోచించే ప్రజా నాయకుడు చంద్రబాబును జైలుకు పంపి జగన్ రాక్షసానందం పొందుతున్నాడని విమర్శించారు. ‘జగన్.. వయసులో చిన్నవాడివి.. నీకేమైనా సిగ్గుందా.. చంద్రబాబు లాంటి గొప్ప నాయకుడిని అరెస్టు చేయిస్తావా’ అంటూ తీవ్ర వ్యాఖ్యలు చేశారు. ఈమేరకు శనివారం ఎన్టీఆర్ ఘాట్ ను సందర్శించిన మోత్కుపల్లి, ఎన్టీఆర్ సమాధి వద్ద నివాళులు అర్పించారు.

చంద్రబాబు అవినీతికి పాల్పడే నేత కానే కాదని, క్రిమినల్ అసలే కాదని మోత్కుపల్లి స్పష్టం చేశారు. స్కిల్ కేసు పేరుతో ఎన్నికల ముందు అరెస్టు చేయించడాన్ని తప్పుబట్టారు. చంద్రబాబు అవినీతి చేశాడని ఆరోపిస్తున్న జగన్.. ఈ నాలుగేళ్ల పాలనలో ఏంచేశాడని నిలదీశారు. లక్షల కోట్ల బడ్జెట్ పెట్టి ప్రజలకు సొమ్ము పంచిన చంద్రబాబు ఈ ముష్టి 370 కోట్లకు ఆశపడతారా అని ప్రశ్నించారు. చంద్రబాబు వయసుకైనా గౌరవమిచ్చి ఆయనను వెంటనే విడుదల చేయాలని డిమాండ్ చేశారు. లేదంటే జైలులో చంద్రబాబుకు ఏదైనా జరిగితే జగన్ బాధ్యత వహించాల్సి ఉంటుందని హెచ్చరించారు.

[psycopk]

Nara Lokesh: మీ కుటుంబంలోని విషయాలు బయటపెడితే తల ఎక్కడ పెట్టుకుంటావ్?: జగన్ పై నారా లోకేశ్ ఫైర్ 

21-10-2023 Sat 12:48 | Andhra

• టీడీపీ విస్తృత స్థాయి సమావేశంలో లోకేశ్ తీవ్ర వ్యాఖ్యలు
• ఇందిరాగాంధీకే భయపడలేదు.. మరుగుజ్జు జగన్ కు భయపడతామా అని ఎద్దేవా
• పవన్ తో సమావేశమై భవిష్యత్ కార్యాచరణను ప్రకటిస్తామని వెల్లడి

 

ఏపీ ముఖ్యమంత్రి జగన్, వైసీపీ నేతలపై టీడీపీ యువనేత నారా లోకేశ్ విమర్శలు గుప్పించారు. ఏపీని సర్వనాశనం చేశారని, అప్పుల ఊబిలోకి నెట్టేశారని మండిపడ్డారు. రాష్ట్రంలో ఏ ఒక్కరూ సంతోషంగా లేరని అన్నారు. ప్రజావేదిక కూల్చివేతతో పాలనను ప్రారంభించిన జగన్... తన అరాచక పాలనను కొనసాగిస్తున్నారని చెప్పారు. ఏ తప్పూ చేయని చంద్రబాబును అక్రమంగా అరెస్ట్ చేయించారని మండిపడ్డారు. రాష్ట్రాన్ని అభివృద్ధి చేయడమే చంద్రబాబు చేసిన తప్పా? అని ప్రశ్నించారు. చంద్రబాబు రాష్ట్రానికి అనేక పరిశ్రమలను తెచ్చారని... ఎంతో మంది యువతకు ఉపాధి కల్పించారలని... అదే ఆయన చేసిన నేరమా? అని అడిగారు. టీడీపీ విస్తృత స్థాయి సమావేశంలో ప్రసంగిస్తూ ఆయన ఈ వ్యాఖ్యలు చేశారు. 

వచ్చే ఎన్నికల్లో జనసేనతో కలిసి టీడీపీ పోటీ చేయబోతోందని లోకేశ్ తెలిపారు. జనసేన శ్రేణులతో కలిసి టీడీపీ శ్రేణులు పోరాడాలని సూచించారు. జనసేనాని పవన్ కల్యాణ్ తో సమావేశమై... భవిష్యత్ కార్యాచరణను నిర్ణయిస్తామని చెప్పారు. చంద్రబాబుకు పంపించే ఆహారంలో వారి కుటుంబ సభ్యులే ఏదైనా కలపొచ్చంటూ వైసీపీ మంత్రులు చేస్తున్న వ్యాఖ్యలపై ఆయన మండిపడ్డారు. భోజనంలో విషం కలపడం, కోడికత్తి డ్రామాలు తమ కుటుంబ డీఎన్ఏలోనే లేవని చెప్పారు. విషం కలపడం, బాబాయ్ ని లేపేయడం వంటివి జగన్ డీఎన్ఏలో ఉన్నాయని అన్నారు. 

మీ కుటుంబంలోని విషయాలను బయటపెడితే తల ఎక్కడ పెట్టుకుంటావ్ జగన్ అని లోకేశ్ ప్రశ్నించారు. వ్యక్తిగత విషయాల జోలికి వెళ్లొద్దని, రాజకీయపరంగానే పోరాడాలని తమ అధినేత చంద్రబాబు చెప్పారని... అందుకే తాము సంయమనం పాటిస్తున్నామని... లేకపోతే మీకంటే ఎక్కువ మాట్లాడగలమని చెప్పారు. ప్రజల కోసం తాము పోరాడుతున్నామని... ఏ తప్పు చేయని తాము ఎవరికీ భయపడబోమని అన్నారు. 

చంద్రబాబు జైల్లో ఉంటే టీడీపీ భయపడుతోందని సైకో జగన్ అంటున్నాడని... భయం అనేది టీడీపీ రక్తంలోనే లేదని లోకేశ్ చెప్పారు. ఇందిరాగాంధీకే భయపడలేదని... మరుగుజ్జు జగన్ కు భయపడతామా? అని ఎద్దేవా చేశారు. వ్యవస్థలను మేనేజ్ చేసి టీడీపీని ఇబ్బంది పెడుతున్నారని మండిపడ్డారు. చంద్రబాబు కుటుంబాన్ని ఇబ్బంది పెట్టడమే జగన్ లక్ష్యమని చెప్పారు. 2019కి ముందు తనపై కేసులు లేవని... ఇప్పుడు ఎన్నో కేసులు ఉన్నాయని చెప్పారు. తన తల్లి ఐటీ రిటర్నులు చూపి, ఆమెపై కేసు పెడతామని బెదిరించారని మండిపడ్డారు. 

రూ. 500 కోట్లతో జగన్ భవనాన్ని నిర్మించుకున్నారని లోకేశ్ విమర్శించారు. లక్ష రూపాయల చెప్పులు వేసుకునే జగన్ పేదవాడా? అని ప్రశ్నించారు. నవంబర్ 1 నుంచి బాబు ష్యూరిటీ.. భవిష్యత్తుకు గ్యారెంటీ కార్యక్రమాన్ని చేపట్టబోతున్నామని తెలిపారు.

[psycopk]

Ganta Srinivasa Rao: గంటా శ్రీనివాసరావుకు హైకోర్టులో ఊరట... కార్యకలాపాలను అడ్డుకోవద్దని పోలీసులకు ఆదేశాలు 

21-10-2023 Sat 19:12 | Andhra

• తరుచూ సీఆర్పీసీ సెక్షన్ 151 కింద నోటీసులు ఇస్తున్నారని హైకోర్టుకు వెళ్లిన గంటా
• తనకు సెప్టెంబర్‌లో ఇచ్చిన ఐదు నోటీసులు రద్దు చేయాలని విజ్ఞప్తి
• ప్రజాప్రతినిధిని అడ్డుకోవడం సరికాదన్న హైకోర్టు

 

మాజీ మంత్రి గంటా శ్రీనివాసరావు కార్యకలాపాల్లో జోక్యం చేసుకోవద్దని విశాఖ పోలీసులను ఏపీ హైకోర్టు ఆదేశించింది. విశాఖ పోలీసులు తనకు తరుచూ సీఆర్పీసీ సెక్షన్ 151 కింద నోటీసులు ఇచ్చి కార్యకలాపాలను అడ్డుకుంటున్నారని, గృహనిర్బంధం చేస్తున్నారని గంటా హైకోర్టును ఆశ్రయించారు. తనకు సెప్టెంబర్‌లో ఇచ్చిన ఐదు నోటీసులను రద్దు చేయాలని కోర్టును కోరారు. ఈ పిటిషన్‌పై విచారణ జరిపిన న్యాయస్థానం గంటాకు ఊరటనిచ్చింది. టీడీపీ నేతలను తరచూ గృహనిర్బంధం చేస్తూ, కార్యక్రమాలను అడ్డుకోవడంపై హైకోర్టు ఆగ్రహం వ్యక్తం చేసింది.

చంద్రబాబు అక్రమ అరెస్టును నిరసిస్తూ పిటిషనర్‌ శాంతియుతంగా కార్యక్రమాలను నిర్వహించకుండా పోలీసులు అడ్డుకుంటున్నారని గంటా తరఫు న్యాయవాది వాదనలు వినిపించారు. గృహనిర్బంధం ఎందుకని అడిగినా కారణాలు చెప్పట్లేదన్నారు. శాంతియుతంగా బహిరంగ సమావేశాలు, ర్యాలీలు నిర్వహించుకోవడం పౌరుల ప్రాథమికహక్కు అన్నారు. పోలీసులు పిటిషనర్ కదలికలను అడ్డుకుంటూ గొంతు నొక్కుతున్నారని, సీఆర్పీసీ సెక్షన్ 151ను ఉపయోగించి పిటిషనర్ కదలికలను అడ్డుకోవడానికి వీలులేదన్నారు.

కోర్టు జోక్యం చేసుకొని పోలీసులను నిలువరించకపోతే మరోసారి నిర్బంధించే అవకాశముందని పేర్కొన్నారు. సీఆర్పీసీ 151 నోటీసులు, గృహనిర్బంధ చర్యలను చట్టవిరుద్ధమైనవిగా ప్రకటించాలన్నారు. ఈ వాదనలను పరిగణనలోకి తీసుకున్న న్యాయమూర్తి.. ప్రజాప్రతినిధిని అడ్డుకోవడం సరికాదని, పిటిషనర్ స్వేచ్ఛగా కార్యకలాపాలు నిర్వహించుకునే విషయంలో అడ్డంకులు సృష్టించవద్దని మధ్యంతర ఉత్తర్వులు జారీ చేశారు. తదుపరి విచారణను రెండు వారాలకు వాయిదా వేశారు. 

 

[ShruteSastry]

[jaathiratnalu2]

TDP ki ituvanti paid news vesi ekuva harm chestubdu mere samara @psycopk @ariel

 

[ErraBook_monagadu]

Lokesham ni policelu ethithe?