Peruthopaniemundhi Posted November 17, 2023 Report Posted November 17, 2023 సిద్ధుకు ‘పుత్ర’ సంకటం యతీంద్ర వీడియోతో రాజకీయ వేడి ఈనాడు, బెంగళూరు : ‘నాన్నా! ఎవరా వివేకానంద? మహదేవప్పకు ఇవ్వు.. మహదేవప్పా.. నేను చెప్పినవి కాకుండా ఏవేవో ఇస్తున్నావు. నేను ఇచ్చిన 4-5 వాటిని మాత్రమే చేయమని నాన్నకు చెప్పు’... అంటూ సంభాషణ ఓ సాధారణ తండ్రీ- కొడుకుల మధ్య జరిగి ఉంటే అంత చర్చకు వచ్చేది కాదేమో. ఓ రాష్ట్ర ముఖ్యమంత్రికి కుమారుడు చేసిన ‘ఆదేశాల’ తరహా మాటలు రాష్ట్ర రాజకీయాల్లో కలకలం రేపుతున్నాయి. కాంగ్రెస్ సర్కారు ఏర్పాటైన నాటి నుంచి వినిపిస్తున్న బదిలీల దందా, కమీషన్ల ఆరోపణల మధ్య వెలుగు చూసిన వీడియో ఇది. కాంగ్రెస్ సర్కారుపై ఒంటికాలిపై లేస్తున్న జనతాదళ్ నేత కుమారస్వామి పదే పదే ‘వైఎస్టీ’ (యతీంద్ర సిద్ధరామయ్య పన్ను) వసూళ్ల ఆరోపణల నేపథ్యంలో ఈ సంభాషణ తాలూకూ వీడియో బయటకు రావటం ఇంతటి సంచలనానికి కేంద్రమైంది. ఈ వీడియో వెనుక వాస్తవం ఎంతుందో తెలియకున్నా.. కాంగ్రెస్ పాలనపై ఆరోపణలతో విరుచుకుపడే భాజపా, జేడీఎస్ మిత్ర ద్వయానికి ఇదో అస్త్రంగా మారింది. మరికొద్ది రోజుల్లో మొదలయ్యే శీతాకాల సమావేశాల్లో రచ్చ రేపే అంశాల్లో ఈ ‘ఆడియో-వీడియో’ కూడా వచ్చి చేరింది. రాజీనామాకు డిమాండ్ ఇంత వరకు కుమారస్వామి చేస్తున్న ‘వైఎస్టీ’ ఆరోపణలకు వాస్తవ రూపమే ఈ వీడియో. ఓ ముఖ్యమంత్రి స్థానంలో ఉన్న వ్యక్తి కుమారుడికి అప్పగించిన అక్రమాల బాధ్యత వీధిన పడిందంటూ కుమారస్వామి ఆరోపించారు. యడియూరప్ప ముఖ్యమంత్రిగా ఉన్న సమయంలో వీఎస్టీ ట్యాక్స్ (విజయేంద్ర పన్ను) అంటూ ఆరోపించిన కాంగ్రెస్ ఇప్పుడేం జవాబిస్తుందంటూ ఆయన ప్రశ్నించారు. నేను గతంలో చేసిన ఆరోపణలను ఏమాత్రం ఖాతరు చేయని సిద్ధరామయ్య ఇప్పుడేమంటారు? అసలు యతీంద్ర ఫోను చేసిన వ్యక్తి ఎవరు? వివేకానంద ఎవరు? మహదేవకు ఫోను ఇమ్మంది ఎందుకు? యతీంద్ర సూచించిన ఆ జాబితా ఏమిటో విచారణ చేపట్టాలని డిమాండ్ చేశారు. ఇది బదిలీల దందా కాకపోతే ఇంకేమిటి? పాఠశాలల అభివృద్ధికి సీఎస్ఆర్ నిధుల గురించి చర్చించినట్లు ముఖ్యమంత్రి బదులివ్వటం చేసిన తప్పును కప్పిపుచ్చుకోవటమేనని ధ్వజమెత్తారు. సీఎస్ఆర్ నిధుల విషయమే అయితే అందుకు విద్యాశాఖ అధికారులున్నారని కుమారస్వామి చెప్పారు. ఏఏ పాఠశాలకు ఎంత డబ్బు పంపాలో కుమారుడితో ముఖ్యమంత్రి చెప్పించారని తెలుస్తోందన్నారు. ఇదే అంశంపై భాజపా రాష్ట్రాధ్యక్షుడు విజయేంద్ర మాట్లాడుతూ కాంగ్రెస్ అవినీతి భాగోతం వీధి నాటకంలా మారిందన్నారు. వీరికి ప్రజలు బుద్ధి చెప్పే రోజు ఎంతో దూరంలో లేదన్నారు. యతీంద్ర వీడియోపై ముఖ్యమంత్రి సిద్ధరామయ్య, కాంగ్రెస్ పార్టీ బదులివ్వాలంటూ, అంత వరకు ముఖ్యమంత్రి బాధ్యతగా రాజీనామా చేయాలంటూ మాజీ మంత్రులు డాక్టర్ అశ్వత్థనారాయణ, అరగజ్ఞానేంద్ర డిమాండ్ చేశారు. Quote
Peruthopaniemundhi Posted November 17, 2023 Author Report Posted November 17, 2023 Telangana folks this will be the case once congress comes into power.. Quote
Recommended Posts
Join the conversation
You can post now and register later. If you have an account, sign in now to post with your account.