southyx Posted Wednesday at 01:02 AM Report Posted Wednesday at 01:02 AM విజన్-2047లో అధునాతన రవాణా వ్యవస్థ సమీకృత రవాణాలోనే 70% ప్రయాణాలకు ప్రణాళిక ఈనాడు, హైదరాబాద్: ఆసుపత్రులకు వెళ్లే రోగులు.. కళాశాలలకు వెళ్లే విద్యార్థులు.. వ్యవసాయ ఉత్పత్తులను మార్కెట్కు తీసుకెళ్లే రైతులు.. ఇలా తెలంగాణలోని 90% మంది ప్రజలు ఎక్కడి నుంచైనా హైదరాబాద్ బాహ్యవలయ రహదారి(ఓఆర్ఆర్)కి 2 గంటల్లోనే చేరుకునేలా ‘విజన్-2047’ ముసాయిదా రూపొందుతోంది. ప్రపంచంతో అనుసంధానమైన నగరంగా ఉన్న హైదరాబాద్తో రవాణాపరంగా రాష్ట్రంలోని మిగిలిన ప్రాంతాలనూ త్వరితగతిన అనుసంధానం చేసేందుకు ప్రణాళిక రచిస్తున్నారు. 2,053 చదరపు కి.మీ. విస్తీర్ణంలోని కోర్ అర్బన్ రీజియన్ ఎకానమీ(క్యూర్), 9,281 చదరపు కి.మీ. పెరీ అర్బన్ రీజియన్ ఎకానమీ(ప్యూర్), 1,00,743 చదరపు కి.మీ. విస్తీర్ణంలోని రూరల్ అగ్రికల్చర్ రీజియన్ ఎకానమీ(రేర్)లను రవాణాపరంగా అనుసంధానించేందుకు అవసరమైన రహదారుల, రైల్ నెట్వర్క్ను విస్తరించడం లక్ష్యంగా విజన్ రూపుదిద్దుకుంటోంది. ప్రజారవాణాకు కామన్ మొబిలిటీ కార్డ్ క్యూర్లో భాగంగా ప్రజారవాణాను మరింత సులభతరం చేసేలా ప్రణాళిక. ఎంఎంటీఎస్తోపాటు 623 కి.మీ.కుపైగా మెట్రో/లైట్ రైల్ ట్రాన్సిట్ సిస్టమ్(ఎల్ఆర్టీఎస్), 100% ఆర్టీసీ ఎలక్ట్రిక్ బస్సులతో కూడిన ర్యాపిడ్ ట్రాన్సిట్ సిస్టమ్(బీఆర్టీఎస్), 1000 కి.మీ. మేర వాక్వేలు, సైక్లింగ్వేలతో సమీకృత రవాణా వ్యవస్థ రూపకల్పన. వీటి ద్వారానే 70% మేర ప్రజారవాణా జరిగేలా ప్రణాళిక. అర్బన్ ఎయిర్ మొబిలిటీ(యూఏఎం), ఎలక్ట్రిక్ వర్టికల్ టేకాఫ్ అండ్ ల్యాండింగ్ ఎయిర్క్రాఫ్ట్(ఈవోటీఓఎల్), పాడ్ట్యాక్సీల ఏర్పాటుతోపాటు వీటన్నిటికీ కామన్ మొబిలిటీ కార్డ్ లేదా ఖాతా కోసం డిజిటల్ ప్లాట్ఫాం రూపొందించాలి. నగర నవీకరణ: వ్యర్థాలతో నిండిన ప్రాంతాల అభివృద్ధికి బ్రౌన్ఫీల్డ్ రీడెవలప్మెంట్, మురికివాడల్ని ఆధునికీకరించేందుకు ఇన్ సిటు స్లమ్ ఏరియా డెవలప్మెంట్ కార్యక్రమాలు, పురాతన, సాంస్కృతిక కట్టడాలకు యునెస్కో గుర్తింపు తీసుకురావడం, పట్టణ ప్రాంతాలను మరింత అభివృద్ధి చేసేందుకు అర్బన్ రెట్రోఫిట్ కార్యక్రమాలను వేగవంతం చేయడం. బ్లూ-గ్రీన్ హైదరాబాద్: మూసీ రివర్ఫ్రంట్ను అభివృద్ధి చేయడంతోపాటు 100కుపైగా జలాశయాలను తీర్చిదిద్దడం. హరిత వీధులతో కూడిన నెట్వర్క్ను రూపొందించడం. సమీకృత తాగు, మురుగునీటి వ్యవస్థ: 158 కి.మీ. మేర విస్తరించిన ఓఆర్ఆర్ చుట్టూ రింగ్ మెయిన్ ఏర్పాటు చేసి 24 గంటలపాటు నిరంతరాయంగా తాగునీరు సరఫరా చేయడం. మహానగరంలో 100% మురుగునీటి వ్యవస్థను రూపొందించడం. స్పేషియల్ ఇంటెలిజెన్స్ ప్లాట్ఫాం: వాతావరణ మార్పులను విజయవంతంగా ఎదుర్కొనేందుకు క్లైమేట్ రెసిలియెన్స్ సెల్ ఏర్పాటు. స్మార్ట్ డ్యాష్బోర్డులు, సమాచార కియోస్క్, ఇంటర్నెట్ ఆఫ్ థింగ్స్(ఐవోటీ) సెన్సర్ నెట్వర్క్, ముందస్తు హెచ్చరిక వ్యవస్థల ఏర్పాటు. ప్రపంచస్థాయి ఆర్థిక కేంద్రంగా రూపకల్పన 13 భారత్ ఇండస్ట్రియల్ పార్కుల నిర్మాణం. అధునాతన తయారీ క్లస్టర్లు, గ్రీన్హౌస్ వాయు ఉద్గారాలను నియంత్రించేలా నెట్-జీరో ఇండస్ట్రియల్ ఎస్టేట్ల ఏర్పాటు. వీటిలో ఎంఎస్ఎంఈలు, స్టార్టప్లతోపాటు 5 పర్యాటక, 5 లాజిస్టిక్స్, 11 బహుళార్థ నోడ్ల ఏర్పాటు. 40-45 లక్షల జనాభాకు సరిపడా 10 గ్రీన్ఫీల్డ్ టౌన్షిప్ల నిర్మాణం. అధునాతన మెట్రోపాలిటన్ రవాణా వ్యవస్థ: 15కుపైగా గ్రీన్ఫీల్డ్ రేడియల్స్తో కూడిన సమీకృత రవాణా వ్యవస్థ ఏర్పాటు. రవాణా ఆధారిత అభివృద్ధి(టీవోడీ) కారిడార్లు, 24 కొత్త బస్, రైల్ టర్మినళ్ల నిర్మాణం. రేడియల్, రీజినల్ రింగ్ రోడ్డుకు సమీపంలో లాజిస్టిక్ హబ్ల ఏర్పాటు. టాలెంట్ హైపర్లూప్ 2047: మహిళలు, యువతలో నైపుణ్యాభివృద్ధికి యంగ్ ఇండియా స్కిల్స్ యూనివర్సిటీ ఆధ్వర్యంలో 6-8 సెంటర్ ఆఫ్ ఎక్స్లెన్స్ కేంద్రాలతోపాటు 100 నైపుణ్యకేంద్రాలు నెలకొల్పడం. గ్రీన్ మెట్రోపొలిస్: 5 ప్రధాన రిజర్వాయర్లు, 304 చదరపు కి.మీ. విస్తీర్ణంతో కూడిన 2,959 జలాశయాలు, 918 చదరపు కి.మీ. అటవీజోన్లు, 111 జీవో పరిధిలోని 400 కి.మీ. మేర పరీవాహక ప్రాంతాలు, వ్యవసాయ జోన్లు, మెగా స్పోర్ట్స్ ఇన్ఫ్రాస్ట్రక్చర్లు, అడ్వెంచర్ స్పోర్ట్స్ పార్కుల ఏర్పాటు. మెట్రోపాలిటన్ ప్రాంతంలోని 45% విస్తీర్ణంలో వీటిని అభివృద్ధి చేయడం ద్వారా దేశంలోనే అత్యంత బ్లూయెస్ట్, గ్రీనెస్ట్ మెట్రోపొలిస్గా రూపొందించడం. భారత భవిష్యత్ నగరంగా ఎఫ్సీడీఏ హైదరాబాద్ శివార్లలో 25-30 లక్షల జనాభాకు సరిపడేలా 765 చదరపు కి.మీ. విస్తీర్ణంలో ఫ్యూచర్సిటీ నిర్మించేందుకు ఈ ఏడాదే ఫ్యూచర్సిటీ డెవలప్మెంట్ అథారిటీ(ఎఫ్సీడీఏ) ఏర్పాటైంది. సుమారు 30 వేల ఎకరాల్లో ‘వర్క్, లివ్, లెర్న్ అండ్ ప్లే’ సూత్రాలతో దేశంలోనే తొలిసారిగా నెట్-జీరో గ్రీన్ఫీల్డ్ స్మార్ట్సిటీగా అభివృద్ధి చేయనున్నారు. సెంట్రల్ బిజినెస్ డిస్ట్రిక్ట్(సీబీడీ): 300 ఎకరాల్లో ఏఐసీటీ, 200 ఎకరాల్లో హెల్త్సిటీ, 500 ఎకరాల్లో ఎడ్యుకేషన్ హబ్, 3000 ఎకరాల్లో లైఫ్సైన్సెస్ హబ్లతో సెంట్రల్ బిజినెస్ డిస్ట్రిక్ట్ రూపొందనుంది. ఎంటర్టైన్మెంట్ డిస్ట్రిక్ట్: 100 ఎకరాల్లో అంతర్జాతీయ క్రికెట్ స్టేడియం, 18 ఎకరాల్లో గోల్ఫ్ కోర్స్, థీమ్పార్కులు, రిసార్టులు, 15 వేల ఎకరాల రిజర్వుఫారెస్ట్ను ఆనుకొని రాజీవ్ జూలాజికల్ పార్కుతో కూడిన ఎంటర్టైన్మెంట్ డిస్ట్రిక్ట్ నిర్మాణం. Quote
Recommended Posts
Join the conversation
You can post now and register later. If you have an account, sign in now to post with your account.