పబ్జీ లేదని.. ప్రాణాలు తీసుకున్నాడు..!

September 12, 2020

పబ్జీ లేదని.. ప్రాణాలు తీసుకున్నాడు..!

అనంతపురం: అనంతపురంలో పబ్జీ గేమ్‌కు బానిసైన ఓ బీటెక్‌ విద్యార్థి ఆ గేమ్‌పై నిషేధాన్ని తట్టుకోలేక ప్రాణాలు తీసుకున్నాడు. నగరానికి చెందిన కిరణ్‌కుమార్‌రెడ్డి ఈ నెల ఐదో తేదీనే ఉరి వేసుకొని ఆత్మహత్యకు పాల్పడగా ఈ ఘటన ఆలస్యంగా బయటపడింది. కుమారుడు కనిపించడం లేదంటూ తల్లిదండ్రులు ఇటీవల పోలీసులకు ఫిర్యాదు చేశారు. ఆచూకీ లభించక ఆందోళన చెందారు. తాజాగా స్టోర్‌ రూంలో కుళ్లిన శవం కనిపించడంతో పోలీసులకు సమాచారం అందించారు. చెన్నైలో బీటెక్‌ రెండో సంవత్సరం చదువుతున్న కిరణ్‌కుమార్‌రెడ్డి నిత్యం సెల్‌ఫోన్‌లో గేమ్స్‌ ఆడుకునే వాడని బంధువులు తెలిపారు. ఇటీవల పబ్జీ గేమ్‌పై వేటు పడటంతో కావడంతో మనస్థాపానికి గురై ఆత్మహత్యకు పాల్పడినట్లు పోలీసులు భావిస్తున్నారు.